Wednesday, October 29, 2008

Daun Tebawan



Kayao ih tubuk gak dawak liko, selalu anagai bei den gak lisi sungai. A liko menibah ien "tebawan" tapi ako debei tao uno ngadan saintifik ataupun ngadan Melayu atau English nyin. Daun kayao ih nebak a liko petemuk. Mun kenusut daun ih bei jatak unah wak wangi bun. Tapi ako debei rapa suka madak buyak bun unah ubat bun.
A liko selalu migek daun muda bak petemuk. A liko (pagan) wak dibei agama pebak daun ih petemuk gak bayuh. Nu'ug gak biyeh masa petemuk. Mun lian bei a matai, pun a liko mesti pigek daun ih bak bak lien temuk bila lien ngak pulik kubo beh tekayan. Sui dengah bak mepit wak debei dao wak nigek keman kedau a matai. Ako pun sebenar nyin debei rapa sah, uno hal mesti bak temuk pebak daun ih mun pulik tekayan keman kedau a matai.
Jadi, mun dikaji secara saintifik, nau saji bei guna samalah aromatherapykah daun tebawan ih? Ako pun debei tao. Ien semuah agei misteri. Ako rasa kalik bei a botanist wak menak kajian pasal etnobotani belajer pasal wak ih. Kalik singenlah......

Sunday, October 19, 2008

Sik Lalao

Masa ko agei skulah rendah sabei ako selalu angai kemenah sik lalao ih gak uma padai jegum gak dawak nyipak bah alud kubo kamei. Cikgu gak sekul selalu angai madak kamei murid luin pinyi. Biasa nyin luin akan melei keman kamei. Beilah duit jumit mun kenah bejaja sik ih gak lo cikgu gak sekul.

Sebenar nyin bei telo macem ji sik wak kinah kamei. Ih sik lalao buyak nyin lalao ji. Bei duah macem agei ien kamei nibah nyin, sik baben (bulat ji) jegum sik..........(ako liluk ngak ngadan sik ih). Sik ien dagen tanak ji. Aduh, ko liluk ngak agei ngadan dagen ubak liko. Memang saji bak meliluk ubak liko lah agei ko ih.

Sik lalao ih senang angai bak pinyi mun anum tapuk. Mun anum tapuk memang idak angai gak lawei sak. Gak daun sak atau gak lawei padai. Mun pinyi dagen nyipak masa anum salih pun senang kawak buyak nyin memang begagau bau tanak singen debeilah sik baben. Ako debei rapa suka keman sik lalao ih buyak mesti bak senirut. Ko lebih suka keman sik baben. Tapi lian ih sakit angai agei bak pinyi gak kapong. Semuah ngak bak pupus min agei kalik. Sik baben pun umit angai ji agei apah. Mun sabei bulat ayang-ayang singen ji. Ienlah mun ngak "over exploit" ataupun kelalu angai pencemaran memang luk bak dibei agei. Mudei lau kalik dibei agei bak kenah gak utu bati kamei gak kapong.

Kerja Wak Ninak Gak Kapong

Antara keja wak ninak a liko gak kapong ko ienlah puma padai. Hampir semuah alu a gak kapong ko puma padai. Bei wak puma cuma bak kanen lien debei singen, bei kawak wak bemaja. Biasa nyin a gak kapong ko agei jemaja pebak gateng. Mun debei silap ko segateng ien beilah 3kg lebih. Rega segateng sabei beilah RM12. Ajau ih kalik ngak nait ngak. Ko pun debei rapa pasti buyak lo janik ko gak kapong kadang-kadang singen agei bejaja berih kamei. Mun bei a labik kubo atau a menepad bak melei barukla bejaja. Taun ih, uma padai duin mak debeilah nyat angai. Uma gak dawak kubo singen. Ako debei sepet bak menulong duin mak petaduk padai taun ih. Ngak kajih kawak ngak taduk duin.


Puma balau adalah antara kereja wak saji ninak a kapong kawak. Balau ien adalah sumber pendapatan sau a Melayu. Saji pinyi duit keman tubang balau. Ako keman umit sabei memang selalu jegum lo mak tubang balau labiklah ko ngak kereja ih. Mun ko bei cuti didak lau ji, masa ien janik ko tubang balau, beilah ko menulong nyin gemelang balau. Kejian ko nulong nyin tubang balau kalik awal taun ih sabei. Lelah saji lelah kerja balau ih tapi mun ngak paut debei menak bei kawak tan rasa pawah bak jegum tubang. Ih tebang janik ko masa nyin lulo buak dian kamei. Sadik idak kawak tebang nyin. Dah la tubang adap..Salute ko gak janik ko ih. Menaban Chainsaw lah a lai alu...

Kebun buak debei semuah a kapong bei. Sakit angai agei pekebun buak lian ih buyak sakit angai bak jemaga keman kuyad. Idakk angai wak debei peduli angai gak kebun luin agei. Ienlah buak dian kamei laku angai taun ih buyak a kik dibei buak. Kejien kawak ji buak dabai.

Thursday, October 16, 2008

Buak Dabai

Bah abei ien, janik ko sepet tukad buak dabai wak segak gak dawak liko. Buak ien gak kedau kubo dana kamei sabei. Saji berani kawak janik ko. Ko pilak nyin gak lawei dabai ien pun gemilih ulo singen. Usok majih alu lelik mun nyin tukad dabai ih. Usah dabai ih kalik beilah 15m gai kedebau. Ko pun debei pasti angai. Lebih kurang kejien ji lah.


Ih la ji kawit wak nebak nyin tutak buak dabai ien. Manyit kawak buyak nyin sama lah ji usid kawak ji. Mun ko naban ih, mesti suker angai tan lengen ko. Boleh tahan kawak tan ba'at kawit ih.


Buak dabai ih dagen pak keji'ih la ji. Titak nyin gak pu'un pak ien. Tapi buak ien akan mepor keman iti nyin mun ngak labuk ibak. Agei bei kawak wak agei peleket gak iti nyin. Bei pulut angai kawak buak ih. Bilem alu nyagam ko medun wak ngak labuk bao tanak.


Haaa..ih la ji buak wak ngak nedun nua. Beilah limah kilo. Nusuk janik ko lian nua ngak labik kubo. Ninak nyin dagen taku. Ko beilah pigek duah kilo pulik Sibau lau ien. Wak lebih ien kalik jenaja janik ko. Luin jaja dagen RM12 sekilo. Kala ko debei salak lah. Mahal kawak buak dabai lian ih buyak dibei idak ngak buak. Lau ko pulik kapong ien bei kina Sg. Kut melei setengah kilo singen buyak sekilo rega nyin RM25. Fuh..memang mahal.

Buak Dian

Masa ko pulik kapong lau ien ko sepet mapun kebun buak kamei. Dbeilah jauk angai keman kubo tapi mun bak kein mesti bak pebak salui. Ih la ji usah dain wak bei buak wak jenaga lo janik ko. Mun debei jenaga luin kalik dibei alu buak buyak ciri kuyad. Ajau ih, idak angai agei kuyad kemacau buak a kapong. Ien semuah pun buyak gu'un buta kedau kebun kamei dibei agei. Semuah ngak nyadin ladang sawit.


Masa ko mapun janik ko gak kebun kamei ien, beilah duah atak buak dian guguh. Ien pun saji wak buak mula angai guguh. Kira sepet kawaklah ko keman buak dian taun ih. Ko ngak gak Kuching ajau memang debei sepet agei bak pulik kapong. Buak pun ngak majih labuk. Dah la sui cerita janik ko, jelau bei angai puen atak buak guguh. Ji wak debei luk lulo paut angai ji buak ih gak lawei.


Ih la asau kamei wak jemaga buak kepaut ih. Nyin neratai buyak nyin luk tawi mapun kedau a tuak ko. Mun nyin tawi dibei agei asau bak memetuh kuyad. Saji sakit angai kawak jemaga kebun buak ih. Asau mesti bak bei segak gak gien mun debei mesti kuyad labik menikau buak dian.

Saturday, October 11, 2008

Agei Mudip Kawak

Ako pulik kapong lau ien ko sepat juluh gak kebun dian kamei. Idak angai buak dian tapi japan singen guguh. Ako sepetlah merasa keman buak dian jegum dabai walaupun ko pulik jemalem singen. Pawah angai tan rasa bak menulong janik ko tubang balau, juluh jegum nyin. Masik tan ko pilak nyin agei kawak keja susah angai gak kapong. Bila ko pilak nyin kejien senged tan ko masa ako agei sekul sabei nyin selalu angai negam ko tubang balau. Mun ko pulik cuti sekul, mak saji debei luk alu melepeh ko keja keman gaji gak Sibau. Ako mesti bak pulik kapong menulong lien gak kapong. Ienlah ko pinyi duit bak pingah ko pulik sekul keman tubang balau ataupun jaja buak mun masa ien musim buak. Mun debei pun bejaja sayor. Ako petaduk sayor kawak agei umit sabei. Ako rasa syukor angai ako nanik dagen keluarga wak agak susah buyak ienlah wak menak ko sentiasa bak merendah diri jegum sentiasa bak syukor gak mana2 ji wak bei gak ko ajau.
Ako ngak gak UNIMAS ajau. Ngak nyarih bak jemigu ngak ko gak gi'ih. Adap kawak tan rasa pabila nyadin pelajar udei. Ienlah ngak sadik idak taun ngak merasa dunia bekerja. Bila pilak tan gaya lo pelajar kik, senged tan gaya ko masa ko agei umur ji lien ji sabei gak UMS. Nyarih tiap malem alu ko tudui labat ajau ih. Kira bak mengajih keja ako laju aluk. Harap-harap ko kenah gemetuk tesis ko sebelum bulan duah beleh na'ah.
Saie angai ko debei kenah online pebak lap top ko debei. Mun debei, kenah lah ko upload keja'an ji gaya dagen bilit ko ajau ih. Saji dibei bak kedau petekap alu ji agei. Bup-nup jegum lo jurnal min bau sulih...Ienlah mun ko ngak mula beroperasi, majih alu bau sulih lo katil kenedau ko menak kertih. Debei kenah kemih selagi keja debei ngak kajih, na'ah ko liliuk kedau ko melagak..hahaha..
Ien singen bak cerita ajau. Na'ah, mun bei line internet dagen UNIMAS ko online udei. Susah angai tan ajau terpaksa pebak komputer gak cyber cafe.

Saturday, October 4, 2008

Pulik Kapong

Lau ih ko pulik kapong. Mun bak pulik kapong ko mesti bak pebak sekaout ataupun ekspress. Mun pebak sekaout beilah sejam pat puluh limah minit labik gak kubo ko. Kala bak pebak ekspress beilah dagen telo jam lebih. Tapi ajau kamei bei masalah bak pulik buyak sekaout jatak singen agei pado lipih kapong ko. Bot ekspress pun idak angai ngak biak, mun lau basak mesti anum pesok dagen. Sudahlah awal angai ngak basak lau ih.

Ako pulik kapong jemalem singen. Lau suneh ko pulik kajuk udei buyak lau satu na'ah ko bak mapun Kuching. Hmm...su na'ah ko cerita udei..Ajau ko bak pulik agei...

Friday, October 3, 2008

Petemu Sakai Dana

Ako petemu jegum sakai ko awal unei. Nua petemu gak Wisma San Nyan keman jam 10.15 awal labik la jam 5 bah abei. Bila ngak petemu saji debei senged bak pulik. Idak angai wak senerita sapai kajih liko alu senerita nua. Rasa ngak paut angai tan ngak debei petemu nyin. Suik tan rasa bila kenah petemu udei. Ienlah tan rasa bila telo bei sakai wak dao angai tan jegum telo. Nyin ngak idak angai ngak tujuh sokongan jegum dorongan gak ko kepaut ako keja jegum belajer ih.

Dao kawak tan bila bei sakai wak sama pendapat pasel keja dagen gu'un ih. Ish..sengadei kawak tan kesusah bak menulih cerita dagen ubak liko ih. Idak angai ubak Melayu jegum liko putik pesok dagen pateh. Ko ingatkan senang lah bak menulih dagen ubak liko. Paduhal susah aluk tan keman bak menulih dagen ubak liko putik. Sedangkan nyarih bak tiap lau kawak ko ubak liko jegum lo janik2 ko. Debei hal, ko rasa mun ko selalu menulih dagen blog ko ih, kalik ko kenah menulih ja'an aluk sau..hahahah...

Ngak nyadin "rojak" angai ngak ubak liko ko ih. Mun a nyat peta'ah mesti luin keciwa gak anik Melanau pun debei kenah kerapak ubak Melanau wak asli agei. Mun mak ko peta'ah ko kerapak ubak liko wak nyebukih sau mesti nyin pesusui, wak kesenang ien sau pun debei senged uno dagen ubak liko. Ngak selalu kawak ko liluk ngadan duah telo macam benda dagen ubak liko. Bak susui ko debei tao ubak liko, agei sadik kawak ko keman bei a liko wak saji anik a liko tapi debei tao jatak pun ubak liko. Debei hal, tulih singen mana wak senged keman liluk alu.

Ako pulik kapong lau sunih. Suik tan rasa bak temu mak, apak jegum janik ko. Ngak bei dua bulan ko rasa ko debei pulik. Lakau kejian ko pulik pun lian Merdeka lau ien. Agei petaduk padai luin gak kapong sui janik ko. Mak agei petaduk padai, tapi janik ko tubang balau gak kebun balau kamei. Kalik nyin bak jaga buak dian jegum dabai kamei wak selalu angai ciri kuyad. Debei alah bak jaga alu mun kuyad ngak menyerang buak kamei. Eee...ko japan melei kamera bao unei. Kenah la ko pigik gaber idak2 gak kapong nah. Bak ijak ko gak lo janik ko wak debei kenah pulik kapong. Hehehe..bei duah atak buak dian guguh sui janik ko. Debei tan, tan agei rasa bak keman buak dian. Paut ngak debei keman buak dian kamei debei. Wak belei debei sama nyam jegum wak taduk.....

Lau selih sunih ko balik kajuk Sibau udei. Na'ah ko post gak gi'ih gaber2 ko pulik kapong. Ko pigek idak2 gaber. Kenangan bha ien semuah ji. Ko bak tudui agei. Ciao!

Thursday, October 2, 2008

Pulik Sibau

Ako pado adap pulik keman Bintulu lau ih unei. Bei kawak tan rasa medut ko bak pado adap tapi buyak dibei a bak sakai ko, nyadin ko pun pulik adeplah. Ko akat keman Bintulu dagen jam 12 tengah lau. Ko mapun kedau sakai ko siew buyak lau sabei ko zarah jujuk angai gak kedau nyin. Lau ih lau keduah raya. Ako labik kedau janik ko gak Sibau dagen jam 3.30 abei. Labik singen ko gak kubo nyin, nyin alu megam ko zarah kedau a tuak kamei gak Teku. Paut angai ngak ko debei mapun kedau lo a nyat ien. Lian nua labik gak kubo lo tuak kamei ien, kubo luin petum alu ji. Nua janik ko ngak pikir kalik dibei apah gak kubo. Debei paut tan beh ien, a tuak nua mukak menawi. Ko bei rasa kelejat tan pilak a nyat ien mayeh angai ji agei. Paduhal nyin pun bei pedih kawak. A tuak mero taji ngak paut angai ngak pedih. Ngak bei limah taun ngak nyin pedih buyak strok. Jebah badan nyin debei kenah gurak alu agei. Mata nyin pun debei berapa peden agei. A tuak nua ien ngadan nyin Uncle Husin. Sasik tan ko pilak a nyat ien tapi suka kawak tan ko pilak uncle jaga auntie dao angai. Bier nyin debei japan bibah tapi nyin tetap kawak jaga a sawa nyin.

Paut kawak nua gak kedau lien. Dagen jam 6 nua janik ko pulik kubo. Nua pisik jegum keman gak kubo. Janik ko keja malem lau ih. Nyin turun keja dagen jam ayan kejien ji. Ko perak adap gak kubo jadi, ko tiba-tiba pepikir bak menulih blog dagen ubak liko. Ako selalu angai belelang gak kedau a nyadin ubak liko ko debei berapa betul sau agei. Jatak cara ko bak menyenged balek ubak liko ienlah jegum cara ih. Ako cuba bak menulih journal dagen ubak liko. Bei kik kawak tan rasa menulih dagen ubak liko buyak debei penah menulih dagen ubak liko. Selalu angai ngak menulih dagen ubak liko putik jegum ubak melayu, ienlah rasa pekaleng tan jelak.

Ubak liko (Bahasa Melanau) ienlah ubak wak nelajer ako mula angai keman ako kenah suso agei tapi buyak ako sekul gak Miri (secondary) nyadin ako idak angai pecapor jegum bangsa kik. Ubak wak saji nebak ko kerapak ienlah ubak Melayu, liko putik jegum ubak Melayu Sarawak. Bei kawak sakai a liko tapi lebih idak aluk bangsa kik. Ako arap ako kenah menulih idak aluk dagen ubak liko beh ih. Debei dao kawak bak meliluk ubak wak ngak nebak kerapak keman umit sabei ngak.

Mun bei a liko memaca blog ko ih, mun bei salak sau ien, kira agei dagen proses bak mengimprove sama sau liko putik.. :)