Beban

Beban ih bukan kayo. Mun nigek telo kulit bah luar ien, lukuk singen dagen nyin senang singen lipeng pebak nyagem pun kenah. Ko dibei gaber bak tujun gak gi'ih. Mun liko gak bah gi'ih luin menibah ih BAMBAN. Lebih kurang kawak sau owh.

Mun gak kapong, beban ih idak tubuk gak lisi sungai. Sabei gak tebi sungai dawak kubo kamei idak angai tapi ngak jijak bak kedau petaduk padai ji jumit angai ji agei perak den ko. Uno guna beban ih? Beban ih alah bak tali talei. Mun ko pilak lo mak jegum janik ko pigek beban ih bak menak sapau. Sapau nyipak. Bak mubed nyipak ien lah. Saji ien singen ji den ko guna beban ih mun gak kapong. Keman ko umit sabei ko merati lo mak ko menak sapau mesti pigek beban ih.

Mun nikut sau susui sakai ko wak kerja gak Kraftangan Malaysia, Cawangan Sabah gi'ih, nyin susui kraftangan wak ninak keman beban saji berega angai. Lian ih, luin menak beg duit (dompet) pebak beban, handbag pun pebak beban. Makin agei mun wak pekilat alu ji beban ien saji mahal angai sui nyin. Mun la lo mak ko tao menak, saji benadak ko menaduk beban ih. He he.. Bei kawak liko Balah keman Sg. Ileh sabei migek beban bak nak jalik. Dao kawak tan jalik ninak keman beban ih, singo singen tan. Tapi ko dibei penah peden lo mak ko menak jalik pebak beban ih la.

Ok. Ien singenlah ji gaya cerita beban lau ih.... :-)

Wap Express Sibau

Liluk ko bak cita pasel ko ma'ap pinyi wap seperih ko pulik ujong ta'un lau ien. Ko kajuk mapun Sibau pado jegum janik ko sawak aruh bau. Janik ko wak pado keta nyin, ko magui singen kajuk. Lian ko bak pulik kabak, ko mu'au pilak kedau wap seperih wak dana ien buyak blok ji. Makau kajuk mapun wap bao lah, ja'an bei petemu jegum a liko abak gak kedai kupi dei ja'uk keman ien. Nyin la susui gak ko speed boat ajuk ngak gak wap bao. Makau-makau ko kajuk, mu'au udei peden kelalu idak ji tenawan. Dei ko tao gan kedau bak melei tiket. Sudahlah debei nelayan a agei ko. Makau singen ba'ai pilak gan bei speed bot wak pado mapun Sg. Kut.

Ja'an kawak speed bot jam 1.30 abei dei ngak pado. Sepet kawak ko madak luin lulo ko buyak ko bei bak belei jumit sebelum ko pulik kabak. Ja'an kawak kenah rudeng lo jeragan dagen speed bot ien.

Ih la ji gaber wak sepet nigek ko gak wap bao ien lian ko pulik lau ien.

Seka'ot wak ja'uk ji inan ien wak pado jam 1.30. Wak bah segak aluk ji ih pado
jam 2.30 abei. 

Ih seperih ko pun dei tao pado ka'an. Kalik wak mapun Kapit ka. Ko pun dei tao. 

Ien singenlah bak cerita ko lakau ih. Tiap lakau ko pulik, mesti bei singen wak berubah. Ienlah mun pa'ut jelakau bak pulik kapong ma'ap singen lah ji gaya. Mu'au.. he he he...

Pepela Salui

Ujong ta'un lau ien ko pulik kapong beilah ko pigik gaber lo naken ko jegum mana-mana ji wak dao ji den ko lah.. Biasa mun pepela mesti pebak salui pela. Mun pebak salui ijin, biasa pepela buyak tatah ati kedau dei kenah nado ijin. Ji dagen sungai atau anum badal angai.

Bila cerita pasel pepela ih, senged ko lian ko agei umit sabei. Saji selalu angai pepela salui. Ko mapun sekul lian agei sekolah rendah saji pepela salui. Lian ko darjah 1 labik 3, janik ko agei sekul sama jegum ko. Tapi lian ko darjah 4 labik 6, janik ko masok sekolah menengah ngak. Ko pepela adeplah mapun sekul tiap lau. Lau basak, pangai, tagul nyat, anum salih..ien semuah saji diharungi mun bak mapun sekul. Lian gak sengaja alu ko menak pedih bila pilak anum dug jed angai tan kajuk. Saji sengadei tan kelelah pepela kabak melawen aruih sungai bak mapun sekul... he he he.. Dao sau ulah ko kan? Menak-menak ko pedih migek ko dibuh tabui sekul. Ha ha ha ha...

Okaylah... ih ji gaber lo naken ko pepela salui ujong ta'un sabei. Sera'at alu menaban pela, samalah wak tukang angai pepela. Tapi bila menyenged tan anik a kik wak ngak diam gak bander, saji dibei peluang agei bak menaban pela mun dei pulik kapong. Ienlah mun ko pulik kapong ko suka mengan lo naken ko pulik. Migik luin tao an tan tudip a liko Melanau wak diam gak kapong. Kak subong dei tu pasel bila ngak pakat ayang, keja dao. Asal usul dei senenged agei.

Patang alu Adek menaban pela. Dahla pela ngak perak jebah singen ji agei.
Boboy gak buta ien pun patang alu ji jawai.

Ngak nado salui, ji wak dei ngak pu'eh pepela ji jawai Adek.

Pela ngak nelagak dagen salui. Alu pelik gak anum. Ko suka angai menaban
kayo beh ien nieb dagen anum lian salui nado... Ien lah gaya wak nak Boboy ih.

Ilak ji kanah jawai Adek mun genaber. Keman unei dikandid ko nyin dei sader alu.
Boboy biasalah, kontrol owh Boy!

Ien singenlah bak cerita telo lau ih kai! Cerita udei lau suneh.. Lukuh tan na'e ko. Bak pinyi bak kanen siew.

Seka'ot Super Jet Jegum Seperih Zin Zin

Pa'ut atang ngak ji gaya dibei menulih dagen blog ih. Lo janik-janik ko pun dei luk alu ji menulih dagen ih. Dei hal lah. Bei jelaweh a mengomen dagen blog ko madak ko update selalu blog ih. Sakai blogger kawak ih, Mad Maureen. Nyin saji susud (follow) blog ih paduhal tapi ko dei rapa peduli gak blog ko atak ih. Hmmm... Trima kasih la gak ka'au Mad Maureen, ko nyubak update blog ih selalu. Tapi ubak liko ko ih ngak kelalu angai sau pecapor jegum ubak kik. Mun bei wak salak sau, nyabik ma'ap awal lah ih.

Wak bak cerita ko lakau ih ienlah pasel pengangkutan wak kenah bak bak mapun kapong ko. Kapong ko ngadan nyin Kapong Kebuaw. Mun bak mapun kapong ko dibei alun, pebak sungai singen. Dei tao paya kerajaan bak menak alun mapun kapong kamei ih. Lulo pilihan raya, ngak dakai lakau ngak lo mak ko mengundi tapi dei teruih kawak ji alun. Dibuh "kiruh" sui liko Balah... Asal bei seka'ot jegum seperih, labik la kubo ko gak kapong.

Mun keman Sibau bak mapun kapong ko (kubo ko), bei seka'ot jegum seperih singen. Seka'ot wak teruih labik gak kapong ko ien seka'ot wak mapun Igan. Mun seka'ot mapun Daled dei teruih mapun kapong ko sebab kapong ko antara Sg. Kut jegum Igan. Mun pebak seka'ot mapun Daled kenah kawak tapi pasad gak Sg. Kut Muara, beh ien magui salui a kapong ko wak bei gak Sg. Kut. Biasa nyin kamei pesusui awal gak lo gak kubo nyabik aid gak Sg. Kut Muara mun kamei pulik pebak seka'ot mapun Daled. Mun pebak seka'ot teruih mapun Igan, bei lah 1 jam 45 minit labik gak jawai kubo ko alu. Seka'ot keman Sibau bei pado pukul 10.30 awal jegum 1.30 abei. Mun dei salak ko lah. Mun salak nyabik bak dibetulkanlah. Mun pebak seka'ot mapun Daled, labik gak Sg. Kut Muara kira-kara 1 jam 30 minit. Bei 15 - 30 minit agei pado salui kabak mapun kapong ko.

Ih gaber igik ko lian ko pulik kapong ujong ta'un sabei.
Gaber seka'ot Super Jet gak aba Sg. Kut (Muara). 

Bei jatak agei wak kenah bak mapun kapong ko. Ienlah seperih (Ekspress). Bei idak atak kawak seperih wak agei pado kabak mapun Igan. Mun dei salak ko ngandan lo seperih ienlah Zin Zin, Ing Choon, Hoover.. Ko pun dei rapa senged tan agei jegum ko dei tao awak an wak agei pado. Seperih Zin Zin saji agei pado buyak seperih ien bei kontrak jegum SMK Batang Igan mengan lo anik sekul pulik kapong jegum balik mapun sekul. Seperih ien singen agei wak pebak aircond ko rasa, wak kik ien pebak pangai singen agei.. he he he... Mun keman Sibau bei pado jam 10.30 awal, 12.30 tgh lau jegum jam 2.30 abei. Biasa nyin 3 jam baruk labik gak kapong ko. Saji pedih kabut munguk dagen seperih kepaut ien kan? Tapi mun ngak penuk seka'ot terpaksa kawak jakak dagen seperih ih.

Gaber seperih Zin Zin melipeh gak jawai kubo ko.
Sepet kawak ko pigik gaber ih ujong ta'aun lau ien.

Ienlah ji dua jenis pengangkutan wak kenah bak bak mapun kapong ko. Tabang seka'ot teruih kapong ko mun dei salak ko RM25.00, seperih ien RM15.00. Mun pebak seka'ot labik Sg. Kut Muara singen RM20.00. Kala salak sau ien, nyabik maap kai ieh.. Kenah nulong ko memetulkan info ih. Pulik kapong duah lakau seta'un singen ko ih, ienlah idak angai ngak wak ko dei update gak kapong inan.

Ien singenlah ji gaya bak cerita telo lau ih. Lau sunih mun rajin telo cerita udei. Ien singen!

Kedau Diam (Settlements)

Modern villages vary in size from 300 to 1,000 inhabitants. Houses, averaging 7 by 10 meters, are built on durable wooden frames in a ribbon pattern along both banks of a river and stand some 3 meters above ground. Walls are of plank or sago bark, and roofing is of palm thatch or wooden shingles.

When i was a a kids we used to have this kind of house but not 3 m above the ground. We use sago bark as walls and nipah leaves or wooden as roofing. It was so unique when i think back how they use to made a house using all the source that we can get from the surroundings. Plants and wildlife is the main source for living.

In some areas, notably on the River Tillian at Mukah, villages were closely adjacent, and today the banks of the river are a continuous line of housing with several thousand inhabitants. Administratively the villages are still separate. Traditionally a village was made up of two, sometimes three longhouses, each with a population of about 300 people. A longhouse, consisting of separate apartments with a common veranda in front, facing the river, was essentially a fortress on ironwood piles, some 10 meters above the ground. They were often sited on the bank of the main river opposite the mouth of a tributary stream, which allowed them to see enemies approaching on the water.

I wonder when Melanau people started to change from longhouses to a single house like what we have now. Since i was born, i only see single houses and never see any longhouses in my village.

At the mouths of the main rivers, where representatives of the sultan of Brunei nominally held suzerainty over the river to its source, villagers had by 1830 already begun to build small separate houses, but still retained longhouses for defense. By the beginning of the twentieth century the rajah of Sarawak had successfully put an end to intertribal warfare and most longhouses were abandoned. Sago gardens were cultivated as near the village as possible, and a communal rice field was organized annually by village elders, with a strip allocated to each household.

It is still the main activities of Melanau people in our area to plant sago and paddy for their living.

*Idak anagai ngak a liko gak kapong ko keluar keman kapong pesawa jegum a luar lalu debei menak kubo gak kapong agei. Dagen kawasan kamei dagen setaun ien payah angai agei bak pilak a nyerakin kubo. Ienlah kapong ko dibei petamah rakyat alu ji agei. Hmmm..ako pun kalik debei balik kapongkawak agei na'ah.