Friday, May 15, 2009

Kulum & Lau Nyerari

Bei cerita a dana pasel kulum. Sui cerita lian basak siab-siab kulum selalu angai makau dagen sungai pinyi ikan. Makin agei mun basak jegum nyerari. A nyat suka angai menganger anik umit pelik dagen sungai mun lian nyerari. Sui dengah gak, kulum luk mengacau atau keman anik umit. Ien lah anik umit debei luk alu pelik dagen sungai mun lian basak siab-siab.

Ako debei rapa sah angai gak sau cerita wak kajih buyak wak senenged ko mak mala memulik kamei keman dagen sungai mun lian lau basak siab-siab jegum nyerari. Nyin pesusui na’ah nelim kulum dagen lubi. Alu lah kamei bejanik rariu pulik mapun lepau. Ngak ja’an ji lau baruk la kamei luk makau bau tanak udei. Pasel lau nyerari ih idak sau reti wak debei kenah nak.

Mun peden “pelangi” (ako liluk ngak uno ngadan pelangi dagen ubak liko), debei kenah tenujun bak tujuk na’ah tujuk tetak.

Bei kawak pesusui debei kenah makau bau tanak mun lian basak siab jegum nyerari na’ah nelim pengamo. Mun lian basak nyerari ien, mak selalu madak menak sak ku’ut bau linga.

Nyin pesusui, lau nyerari raja makau. Ko pun dei tao raja nau. Ienlah mesti nyin akan menyebut “ Tabik Raja”. Kira nyin mun menak sak bau linga ien telo tujuh hormat gak “raja” ien lah.

Ien sau jumit cerita pasal amo kulum jegum lau nyerari.

2 comments:

  1. pelangi = tenga'up ( oya melanau)

    ReplyDelete
  2. hey...terima kasih idak2..sama la ubak telo...:D..cuma ko liluk singen...

    ReplyDelete