Monday, September 14, 2009

Cerita Rayak

Uno bak cerita telo lau ih sakai? Debei idak lau agei bak rayak. Debei labik pun jemigu agei. Gak ga'an pun telo a Melanau belelang, mesti a melabau telo Selem ka Kristian. Ako saji pueh angai ngak tenelabau pasel agama ih. Nau lah agei ngadan bei ninak BINTI. Mun liko bah inan (Semenanjung) luin saji pikir ko Selem. Kak salak sakai, kamei a liko (Melanau) ih saji bebagi duah...oaky telo lah kira nyin. Pagan (Liko), Kristian jegum Selem. Pagan ien wak dibei agama, agei pecayak gak adat dana. Pecayak gak lo ipuk-ipuk (semangat). Mun sabei ngak kajih mupor padai mak mesti bei tujuh keman ipuk padai. KO pun dei rapa senged angai ji agei wak senisik nyin dagen kedau wak nanyam keman daun nyipak. Mun dei saruk ko lah, dagen ien ninak nyin bereh kunyit (kuning), rukuk kirai jegum sigup, sepak, pinang jegum binyou....bei kawak wak kik tapi ko dei senged agei. Pulik ih saji ko mesti melabau gak nyin pasel adat-adat dana ih. Idak angai ngak ko liluk.

Mun wak Kristain ien biasa nyin saji Kristian Katolik tapi bei kawak wak Methodist jegum SIB. Idak wak Kristian ih gak kawasan Daled jegum Mukah. Mun Selem saji idak bah Igan, Daro, Mato, Balingian, Belawai, Rajang, Oya.....tapi gak Mukah jegum Daled bpun bei kawak Selem tapi bukan majoriti.

Rayak ih saji bak makau mapun kedau lo segak-segak wak menyambut rayak lah ji gaya ih. Janik ko debei pun bei kawak wak rayak.

Bah, ien singenlah bak cerita telo lau ih.

Selamat Lau Rayak gak lo janik-janik, segak-segak jegum lo sakai wak menyambut rayak taun ih. Dak dao bi'eh kelo.

5 comments:

  1. salam gak keau, dao sau kelo pulik kampung. ko ih keluar negara masa rayak kejeih... hiks hiks

    gak kuching masa ih, ngak sepi angai lau sakai-sakai semua ngak pulik kinan.

    al-basri

    ReplyDelete
  2. selamat lau raya la gak kelo kawak...buyak nau bak kluar negara sau? keja kah? dei hal, ienlah tan tudip gak dunia ih....
    jaga diri. dao2 gak kedau a...

    ReplyDelete
  3. hai ko pun aliko ih au liko an lah ih ko paut ateng ngak dbei temu gak bangsa melanau ih pawah angai tan rasa ko ko kja gak senannjung ih utong kelo beh nulih ih hiiiii 6 taun ko depulik sakai hapy tan rasa ko maca wak tulih kelo ih pawah tan bak keman ulet ih lameh kah hahhahahhahahha maju lah melanau1

    ReplyDelete
  4. hai aku pulik sg kut tengah raya taun tuk..

    ReplyDelete
  5. alikoboy--kak paut angai gak liko a na'ah lo segak2 gak kapong dei kelala gak kaau agei..hehehe... bah, baca sinegn wak tulih ko ih mun kelo mereti lah.. kelo liko ga'an? Lameh ien dao nyam tapi susah angai ngak bak pinyi ajau. Melei pun taber angai sau agei rega..

    Anonymous--kut tengah? sepa tuk kah?

    ReplyDelete