Sungai Igan Penuk Ureh

Ko agei kawak rasa dei pueh nasang bila ko tao pasel kes ih. Mun ngak 50km ien saji teruk atang lah ji gaya tanak runtuh gak ud ajuk. Mabuih alu anum mengan lo ureh paman kabak kala. Mun sui cerita mak ko gak kapong lau selih sabei, saji teruk angai la lein gak kapong. Anum saji tanak singen. Dibei anum bersi bak bak luin temuk. Terpaksa bak madak tanak medap siew baruk anum kenah bak temuk. Bak mupok bajo dibuh singen, saji kuneng alu kalik buyak tanak. 

Didak angai kapong wak buyak ih sebab saji idak angai kapong jegum kubo lalo keman ud ajuk. Idak angai kapong saji gak dawak sungai. Majih alu kalik lo wap didug bati, saji rusak min kalik naman aruih. Uno dakah tindakan kerajaan bak menak keadaan ja'an balik?

Adeh..saji pedih singen tan nasang ko bila ko maca berita dagen online news. Seluruh dunia alu ngak tao pasel ih. Uno agei wak bak lim lo Taib? Ngak nyata bah...den a semuah. Ok, ngak singen agei..kerapak pun dei guna. 

Cerita Kusong Singen

Paut ji ngak gaya debei jungat blog ko atak ih. Pawah tan bak pubak Liko alu lah ki'ih bak cerita-cerita jegum lo sakai liko gak gi'ih. Ko japan pulik keman jatak kapong a liko Murut gak Tenom nei. Lelah angai tan bi'eh buyak jalan mapun kapong ien teruk angai jalan. Mun dibei "4WD" saji susah bak teruih gak kapong lien ih. Tapi dao aluk keman kapong ko kawak la.. Kapong Ko gak Igan inan dibei jalan raya, pebak salui singen. Pebak "speed boat" la teruih gak jawai kubo.

Udah ngak ien malem agei labik kubo. Debei sepet ko bak tutak sayor taduk ko gak buta kubo. Ja'an singen bei si'ab jumit ji bao aruh den ko senie'en. Mun ngak malem labik kubo mula la ko malih mengakel bak keman. Tutang kupi jegum rutik singen udei lah ji gaya malem ih. Dei hal tengah lau unei ngak pepalih keman nasik bukuih nak a kapong. Pawah tan rasa bak keman lo sak ku'ut ka, daun badong ka, sayor sabi ka, tapi lo ih dibei pisik wak keji'en koh. Palih alu misik lo siaw singen. He he.. Kelalu kawak sau ko kan, udah la a ngak tujuh keman pree... (",)

Bah, makel tan agei bak menaip idak aluk. Ien singen lah siew.. Ko bak menak keja. Lau 6 na'ah ko bei presentation bah. Pat jam gei ien, dei tao uno da kah wak bak budei ko gak lo anik sekul keman UMS ien.. Palih singen ih.. Ha ha ha...

Ubat Tradisi - Tumbuhan Ubatan

Ajau ko tengah pinyi info pasel ubatan tradisi. Debei kirala tradisi a liko ka, a Melayu ka, Murut ka..mana2 lah ubat atau tumbuhan wak genuna a bak nyadin ubat. Beila wak ngak ninak a nyadin komersial ji lo misai kucing, tongkat ali, lingzi, pegaga. Ko cubak menyenged uno ji tumbuhan wak genuna telo a liko bak nyadin ubat, bei liluk2 tan ih.

Mun dei salak ko lah, mak bei la menujun jumit lian ako agei umit sabei. Kala bei palik nyinyak nak unyok sak ku'ut (wak agei bulat ji ien), tapel gak kedau palik bak menak paten da'ak sui. Uno gei owh...mun cekor ien mak susui bak kanen a beh panik. Tapi ko pilak mak labik lian ih alu ji keman cekor ien, kinah nyin jegum sepak. Ko bei kawak tutui nyin keman. Melasuk kawak nyam cekor ien. Uno guna wak atang, ko pun dei rapa taolah. Uno agei wak kik owh? Dei senged ko ih, na'ah la pulik kapong, melabau atang2 gak mak. Susah kawak mun dei tenulih pemandai a dana ih. Luk miau kejien singen. Dao la mun bak tenulih nyadin bup. Mun dei salak ko, gak Sarawak, tumbuhan ubatan wak genuna liko Kelabit jegum Balah ngak bei ninak nyadin bup. Mun bangsa kik, ko dei taolah mun bei a menak kajian.

Sa'ie kawak kan mun pemandai a dana ih pupus kejien singen. Telo generasi muda ih, mun najer keji'en singen pun luk liluk. Dao la mun sai2 wak bei tipo wak lakei2 ien, telabau nak. Gu'un pun makin majih ji ajau, semadi wak tenaduk singen ji agei gaya kenah bak inyi mudei lau.

Ien singen lah ji gaya bak cerita telo lau ih kai. Petemu udei lakau bao.

Ceramah Adat Istiadat Kaum Melanau

Bei la ko terimak email keman Pustaka Negeri Sarawak. Sai-sai wak bei gak Kuching ien mun bak tao aluk pasel telo a liko, mapun la ceramah ih. Semadi ko dibei gak Kuching singen ih. 


Kepada Ahli Pustaka Negeri Sarawak,

Anda dijemput menghadiri siri ceramah Sarawakiana seperti berikut:

Tajuk : Adat Istiadat Kaum Melanau
Penceramah : Encik Hat Hoklai (Majlis Adat Istiadat Sarawak)
Tarikh : 19 Ogos, 2010 [Khamis]
Time : 2.30 pm - 4.30 pm
Tempat : Bilik Seminar 1 & 2, Pustaka Negeri Sarawak

Ringkasan ceramah:
Masyarakat Melanau merupakan masyarakat etnik yang terdapat di Sarawak. Umumnya masyarakat Melanau mempunyai persamaan dengan masyarakat Melayu baik dari segi kepercayaan, kebudayaan dan adat resam. Justeru itu masyarakat ini merupakan satu cabang dalam masyarakat Melayu (atangkah ih? atau luin menak2 singen ih?...hmmm???). Namun begitu masyarakat Melanau tetap mempunyai budaya dan adat resam mereka yang tersendiri. Adat resam ini jelas terlihat dalam aspek kehidupan mereka seperti kelahiran, perkahwinan dan juga kematian. Adat resam atau amalan ini diwarisi sejak zaman berzaman dan masih diteruskan hingga ke hari ini.

Sebarang pertanyaan boleh menghubungi Encik Edison Ricket (082-449126) atau Puan Drang Jite/ Encik Awang Affizan di talian 082-442000 sambungan 302/303.

Penyertaan adalah percuma.

Caynie De - Yen Ji Ka'au

Bak promote lagu lo sakai si'ew. Ih kalik japan ko ta'ah lagu dagen ubak liko rap. Power la lo sakai kenah menak lagu kesau ih. Sau ala-ala etnik muzik sau gak. Daolah ien kai au mempromosi ubak liko walaupun bukan ubak liko Daled tapi sama a Melanau kawak kan. Go for it Bro Kenny De (speaking London udei)..hahaha... Bah, ta'ah lah sau lagu idei..

Buak Dabai Udei

Lau migu lau ien bei ko mapun tamu. Idakla ji lo macem-macem buak jaja lo nyat gak tamu ien. Bei lo buak dian, dian ro, lasat, remutan, manggis, mata kucing, padok.... beila wak kik kawak saji idak macem atang tapi wak idak angai ajau saji buak dian la. Bei la ko peden duah lawek a nyat mero jemaja buak DABAI. Uish..pawah angai tan rasa bak keman dabai ih. Tao singenla mun pulik kapong ngam lian buak dabai saji pateng alu keman. Maklumla buak taduk kamei debei kan. Ko puseng2 bak pinyi wak dao aluk ji, tapi bila ko melabau gak a nyat ien, nyin susui bak kajih agei buak dabai ajau. Ien singen agei wak perak. Alah, labat lah ji gaya ko ih.  Medut dei upet sau a nyat, melei singen lah wak ien. Sekong nyin jaja RM4. Ok kawak la ien. Wak jaja nyin warna kuneng ji sei, saji dao nyam kalik. Ien singen ji dagen piker masa ien. Semadi nadai sui liko Balah, belei singen lah.

Ngak pulik kubo, saji dei rapa dao lah ji gaya buak ien. Tapi bila ngak jenujuh jegum anum lasuk, ninak siah jumit, fuiyoh.... sedap ooo... Hahaha.. ien la mun ngak gian bak keman, saji dao nyam kai. Tapi saji dao nyam kawak lah walaupun dei rapa 'fresh' ji gak lo buak ien. Menyik kawak nyam. Hehehe...

Lo gak Sibau, nau bei buak dabai kah ajau? Hmm... musim gak gi'ih bak kajih agei. A gak gi'ih nibah buak dabai ih, 'kembayau'. Sakai ko negam ko keman buak ih, nyin liko Keningau. Bila ko melabau, kau penah peden buak keji'ih ka? Hiran singen nyin pilak buak kanen ko. Adoi! Paduhal, bukan semuah liko Sabah tao gak buak kembayau @ dabai ih. Mun gak Sarawak, saji a liko Sibau glamer jegum buak dabai ih. Mun gak Sabah, saji bah Sipitang wak glamer jegum buak kembayau ih.

Bah, ien singen lah ji gaya bak cerita telo lau ih. Buak dabai wak menyik nyam... he he he... Bei tan senged ko, ko nulih pasel buak dabai dagen blog ko atak My Life Is My Choice tapi paut ngak kalik dagen taun 2008 kah ien. Bei gaber janik ko tuked agei.. ha ha ha.. Oh den ko ngak cuba ilak gak link ih: The DABAI. Janik ko kawak wak nyadin pelakon utama dagen gaber ko. He he he.. Atang kebudei ko owh..bei kawak bah ko menak post dagen ih jegum tajuk wak sama. Check it out here (speaking London gak..hehehe): Buak Dabai.

Ien singenlah..Bak nyabong keja udei siew. Lau suneh crita udei kai!

Keman Inut

Beilah lo sakai ko bak pidah keman kedau keja kamei ajau. Nyin pasad keja ngak. Ko pun megam la sakai ko jelaweh makau mapun kedau luin. Ko megam keman inut. Pawah tan bah bak berabih keman inut jegum lo sakai-sakai. Luin ih bukan liko telo, luin liko Dusun Sabah. Tapi lien tao keman inut. Wak ien lah alu menak ko 'excited' bak mapun kedau lien. Sambil-sambil melawat lien sebelum lien pulik teruih.

Mula ko bei la medut tan bak menak inut ien buyak sei wak juh sakai ko sei tak. Sei wak agei basak jegum warna nyin bukan putik tapi debei ngak punah bun la. Agei dao kawak. Nyadin, ko pun nyubak singen la menak. Ja'an kawak nyadin. Ko pun keman ikut ji style lien singen la. Lien keman inut bukan pesabel belacen ji telo a liko ji. Lien keman jegum lo ikan wak nisik mesem nyam jegum lo sayor ulam lien wak caporan bawang, bunga kantan, lada jegum limau. Dao kawak nyam kinah kejien tapi tetap kawak pawah tan bak keman ji gaya telo a liko. Tapi bila piker balik dao ngak bei sakai bak jegum keman kan. Mun keman adep-adep gan bei dao nyam ien. Mesti kawak berabih kawak dao nyam.

Ienlah, gak liko a mesti telo bak ikut ji gaya lien kawak. Mun bak ikut angai nasang telo adep na'ah telo adep keman. Lien dei tao keman ji gaya telo keman ji. Susah kawak kan. Ien singen la ji gaya bak cerita lau ih. Pasel keman inut. gak liko a pun kenah kawak berabih keman inut. (^___^)

Cak Ku'ut, Nyeram, Pakis

Bei idak macem cak ku'ut ih tapi mun telo a liko bei duah macem singen cak ku'ut wak kinah telo gak kapong. Mun liko Balah atau wak idak jenaja gak paser ien pakis. Okay, jom pilak ji keja'an ji wak tenibah telo cak ku'ut, nyeram jegum pakis ih.

Ih la cak ku'ut. Telo jarang keman mun wak ngak bebuka wak bulat ien. Wak agei keji'ih singen ji wak kinah telo. Mun wak ngak bebuka ien dei kenah kanen agei wak ngak tu'a. Lian gak nulem jegum sambal pun dao nyam. Makin agei lian keman inut. Fuh...pawah ta bak pulik liko buyak ih.

Ih nyeram. nyeram ih miding sau tibah a gak. Wak ih wak agei muda. Dei ngak bebuka ulo nyin ien. Wak agei keji'ih lah wak dao nyam.

Ih pun nyeram kawak. Wak ih wak ngak bebukak tapi agei kenah kanen. Dei sama lah jegum cak ku'ut. Nyeram wak ngak bebuka keji'ih agei dao nyam bak kanen. Mun genureng jegum belacen saji dao alu nyam ih. Malih sapor jegum lada, fuh...petamah nasik. Bei kawak lo sakai kina ko misik ih jegum wine sik. Dao nyam sui dengah tapi ko dei penah ngak nyubak la. 

Ih wak tenibah a pakis. Gak kapong kamei dibei tubuk pakis ih tapi bei janik ko menaduk gak lisi sungai. Ih saji dao nyam. Idak angai jenaja gak paser. Mun gak Sabah, wak ih saji glamer angai la. Saji idak tubuk gak lisi sungai luin. Wak keji'ih agei muda. 

Ih wak ngak nyat aluk. Ngak bebuka wak gulong-gulong nyin ien. Ih saji dao nyam nisik jegum belacen..genureng jegum ikan bilih singen pun dao kawak nyam. Lian gak nerebus beh ien nulem jegum sabel. dao angai nyam ien kai. 

Ien singen lah ji gaya bak cerita telo pasel lo cak wak kinah telo a Melanau. Bei kawak cak kik kinah telo tapi ih singen ji wak bak cerita telo lakau ih. Senang angai pisik ih, mun bei subak singen keman. Saji dao nyam min bak ulem semuah jenis ih. Petemu udei lakau bao kai. Dak dao dengah kelo selalu. 

Musim Buak Udei

Gak gi'ih saji idak angai buak ajau. Ko pado lepeh tamu saji idak angai ji ngak a jaja buak dian, manggis, terap, remutan etc.. Idak macam atang ji ngak buak jaja lo a nyat ga tamu ien. Ako deilah ngak melei cuma melipih luin singen. Dibei ngak bei lian bak berabih keman. Mun keman buak ih dei dao nyam mun keman adep-adep. Dibei bak jegum pesengin... Ha ha ha...

Migu sabei sakai jekubo ko bei la migek buak keman kapong nyin. Buak dian duah atak igek nyin. Merasa la ko keman. Alu negam ko sakai ipah ko kubo ko berabih keman sama. Bei la bulu Medong bak ko keman. Lo sakai ko liko Sabah, iran singen pilak ko keman kejien. Luin dei tao keman dei hal la. Asel ko a liko ih agei senged gak budaya ko debei. Buak dian mun kinah jegum bulu dao aluk nyam. Legah aluk besuh kawak. Dei la idak kenah kanen buyak besuh buyak bulu. He he he...

Lau ih sakai ko pulik udei keman kapong nyin, bei la jatak buak tarap jegum buak manggis igik nyin. Memalih keman buak tarap lah nua senien. Dao kawak nyam cuma buak ien dei ngak sik nigek lien keman lawei. Dei rapa temih la nyam. menyem sinegn nyam. Okay la, keman dibei bak kanen. Free bah, kanen singen.

Bei ko telepon lo mak gak kapong, melabau kalik bei buak. Tapi janik ko susui dibei buak. So, dibei buak lah ji gaya taun ih gak kapong inan. Dei hal, memalih atang singen gak gi'ih. Mun gak Sabah ih, Sipitang saji glamer jegum buak. Ilak singen ji dua telo migu ih saji idak angai a keman kik ba'ai ki'ih semata-mata bak keman buak. Lo keman Brunei pun luk ki'ih kawak mun bak keman buak.

Ien singen la ji cerita buak telo lau ih. lau suneh bei lian cerita udei. Tapi ko masok kapong telo lau setat keman lau suneh labik lau pat. Temu lau limah singenlah telo kai. Ciao!

Japan Lesut Udei

Apoo... (ien sau liko balah ien)... dana atang ngak ji gaya blog ih debei 'update'. Lo janik ko pun dei luk alu nulong ko nulih gak gi'ih. Sui dengah wak pikir sama-sama. Tapi saji tetap ko kawak ji wak menulih ih. Gan bak jalan mun keji'ih selalu. Dei hal kawak la... Menak ko dei lulik gak ubak liko la mun ko wak saji selalu menulih gak gi'ih.

Lau sabei ko terpeden (dei sengaja lah ien) jatak page gak Facebook. Alu lah ko Like page ien alu nyadin member gak page ien lah. Ngadan page ien COMMUNITY OF MELANAU [C.O.M]. Ih ji information pasel page or group ih:

Melanau bei idak jenis, setakat ih bei 6 jenis Melanau wak bei gak Sarawak. Melanau terbahagi dagen 6 jenis Melanau utama :- Melanau Mukah, Melanau Dalat, Melanau Oya, Melanau [Matu-Daro], Melanau [Belawai-Rejang-Gelijih], Melanau Ba’ie(Bintulu), Melanau Balingian dan Melanau Miri. Grup Melanau bei bahasa budaya jegem characteristic dialect tapi budaya tetap sama. Cuma Melanau ba’ie bei jauk jumit man dialect Melanau kik. Melanau Igan share sama bahasa jegem Melanau kik, cumak dialect lien agak lain tapi lebih senang faham banding jegem Melanau Ba’ie (Bintulu). 80-90% Melanau adalah muslim, sometimes a nibah Melanau ih Melanau/Melayu. Cumak gak kawasan Dalat jegem Mukah singen kenah temu Melanau non Muslim, mostly Christian and some other consider pagan. Tapi rarely we can find nowadays. Population Melanau around Sarawak nowadays only 7%. Hopefully our community will increase in the future. Minority that rules! Keep it up guys.

Gak lo sakai-sakai wak luk bak join group ih, sai wak bei Facebook, join singenlah. dao kawak telo bak pedun ramai-ramai walaupun ubak telo bei beza sau. Agei ko ih tao ubak liko Mukah, Oya, Igan, Dalat singen. Ubak Melanau wak keman Bintulu, Matu-Daro, Rajang, Miri, Belawai..ko saji dei tao alu. Bei la jumit-jumit singen wak ko paham. Bah, join singen mun bei akaun FB.

Ien singen lah ji gaya wak bak cerita lau ih. Mun rajin na'ah bei udei la ko cerita. Bak menak budei... ha ha ha...

Tubang Balau

Ih gaber ta'un sabei igek ko. Lian musim buak dian gak kapong. Ko rasa masa ien ko pulik kapong lian cuti lau rayak. Bei la jumit gaber bak kongsi ko jegum lo sakai-sakai gak gi'ih. Ko bak cita jumit pasel tubang balau. A liko saji menaduk balau keja utama kamei. Kira sui a mata pencarian utama lah ien. Ako menak keja pu'un saji debei tao angai. Cuma tao madek balau, menak mata balau, gemelang balau jegum tunuih balau singen ko tao. Asel ko bak menaban siso (chainsaw) mak ko emsti sibok alu. Ujong-ujong ko dei tao menak keja pu'un, tubang balau jegum tutak balau ko dei tao.

Cara tradisi tubang balau ienlah pebak kapak. Ko bei gaber tubang tapi gaber mak ko, makel tan bak menilik gaber mak ka dagen blog ih. Biarlah gaber ih singen bak kenongsi ko gak gi'ih. Mun mak masok dagen blog ih mesti bak benayar rayalti ien. Heheh..Nyadin model, mahal ien.

Lian sabei memang saji a liko tubang jegum tutak balau pebak kapak singen. Maklumla, masa ien agei lian sakit, agei dibei duit bal melei siso. Mun tutak balau pebak kapak susah tan jumit sebab mesti bak pebak kaw jegum kayo lalo bak memalik balau ien. Ko agei senged angai lian ko agei umit sabei, ko jegum janik ko suka angai nyadin pemberat gak ujung kayo lalo bak memalik balau ien. Bei cara kawak mun tubang balau ieh. mesti bak ninak linga gak duah-duah dawak sebelum tutak bah bau lei pu'un wak ngak kikut bah ibak ien. Mesti bak nilak betul gak ga'an ji tuju balau ien suat. Mun debei luk bebalik balau tebang, ien payah jumit nasib debei dao telo wak tubang buyak jegan balau.

Ih la ji pu'un balau wak tibang bak kapak. Saji tukang kawak ji mak ko tubang. Balau ih suat betul-betul dagen tengah duah usah anik balau. Stimang alu ji kedau balau ih suat nak nyin. Ienlah ji mun a ngak saji veteren dagen keja tubang balau ih. Ako kereh kawak bak menulong mak lau ien tapi nyin dei arep ji gak ko. Ujong-ujong ko kukut pu'un ine singen.

Mun balau ngak tibang keji'ih, mesti bak nared bi'eh balau ih, mepit semuah ureh bieh balau ien. Beh ien barukla titak jegum ninak mata. Lian gak a menak mata beh nadek, balau ien ngak bau aruh. Ngak siap baruk la genelang mapun sungai. Gemelang pun bei duah cara. Jatak, gemelang bak nyagem singen, jatak gei pebak iler. Mun pebak iler dei pedih pekawi buyak debei ibuh pukab gemelang balau ien.

Ngak genelang mapun sungai, nibet dagen sungai bak tinuih bak talei. Udah ngak tinuih ien, tenudak la mapun kedau a melei balau. Terima duit lah agei mun ngak labik gak kedau a melei balau. Hehehehe... Ajau sui janik ko rega balau agei sama RM10 jetak. Kaya a petaduk balau ajau. Sabei ko senged paling mahal pun RM6.20 singen rega jetak balau. Jetak ien ukuran nyin lebih kurang 3 kaki setengah.

Ok la, ien singen la ji gaya bak cerita lau ih. Lian kik telo cerita wak kik udei. pa'ut ngak dei tubang balau, mun pulik kapong pawah kawak tan tapi maler dei cukup masa.

Pulem Timun Jegum Bulu

Lukoh angai tan na'e ko nei. Alu pinyi bak kanen gak dapor. Senged bei buak timun dagen peti ais, alu muka peti ais. Wah, pawah tan kelijah bak pulem timun jegum belacen. Nau agei bei bulu belei ko gak Daled lian ko pulik taun bari kina lau ien.

Senged angai ko gak lo sakai ko gak gi'ih susui bulu ien ji bak kanen ikan ji. Lien iran buyak nau ko keman bak kanen ikan. Hahahah..lucu kawak lo ih. Ngak ko madak luin merasa tapi lien pesusui bulu ien dibei nyam alu nyam. Ienlah mun li a wak dei keman bulu saji dei tao kenikmatan bulu ih. Mun telo a liko, telo kenah membezakan bulu wak dao jegum debei. Mun gak liko saji bulu Medong lah wak paling glamer. Buyak bulu Medong cukup nyam menyik nyin serta dei saih. Mun bulu keman Mukah saji sa'ih nyam.

Ien singenlah ji bak cerita lau ih. Cerita ko keman bulu pingah keman kapong lau ien. Mun gak liko a ih saji dibei wak kejien bak kanen. Mesti bak peningah keman liko. Belacen gak gi'ih pun dei rapa nyam. Belacen Bajau sui sakai ko. Kalah kawak buyak belacen Bintulu atau Oya. Dao nyam.....
 

Mupor Padai

Mun ngak menaduk padai, daolah telo mupor padai....hehe.. Paut angai ngak ji gaya debei tenulih alu dagen blog ih. Janik-janik ko pun dei luk alu ji menulong menulih ih. Saji ko kawak la ji gaya wak mesti bak menulih dagen ih. Bulan dakai ko pulik kapong lau ien owh? Ooo lian ta'un baru kina lau ien ko bei pulik kapong. Lalu sesak lian lo janik ko mupor padai. Ngam lah ien, bulan 4 taun sabei ko pulik janik ko petaduk padai.

Bei lah kawak ko pigek gaber jumit masa ko pulik kapong lau ien. Gaber naken ko mupor padai. Nyin singenla wak rajin angai beposing nyadin artis ko.

Padai idak angai tebak ta'un ih. Buyak jed anagi pangai kalik. Segaut kamei mupor medut padai ien mamak buayak tanak mun anum dug nyat.

Naken ko patang alu mupor padai. Pengalaman pertama nyin mupor padai. Japan Darjah Duah sekul gak bader. Ienla manah angai negam ko pulik kapong mupor padai. 

Jegum a tipo ien mu'un padai basak wak nuwei. 

Menaduk Padai

Paut ngak ji gaya dibei menulih dagen blog ubak liko ko ih. Kelalu rajin menulih dagen blog ko wak kik. Ien la mun ngak gian gak blogging ih, saji menak blog singen keja ko. Bah, uno bak cerita ko lau ih? Dagen bulan ulan lau ien ko bei pulik kapong. Masa ko pulik ien bei la ko pigik gaber uno ji wak nak ko gak kapong. Ngam agei lian ien janik ko petaduk padai. Cerita pasel naduk padai lah telo lau ih.

Saji hampir semuah a liko kapong ko mendauk padai. Kamei dibei bukit saji menaduk padai "sawah" singen. Mun anum tapuk nyat lian gak lenyed labik unyok padai alu. Ih ji gaber wak igek ko masa ko nulong janik ko menaduk padai lau ien.

Padai senemi kamei gak dawak kubo singen.

Biasa nyin janik ko kukut padai bah abei lau siew bak menaduk. Tapi mun ngak majih nyin kukut baolah.

Ngak bak menaduk baruk la tutak lawei padai ien. Ih migik nyin tubuk unyok bao. Legah aluk nyadin.

Aduh, ko liluk uno ngadan wak bak menak lubi bak kedau menaduk ien. Tugal kawak ka? Ih la mun ngak paut angai gak kedau a, idak ubak liko wak neliluk ih. Ih la ji gaya kamei menak mata bak kedau menaduk anik padai unei.

Beh ien baruk la menaduk. Ko selalu pedih pekawi mun menaduk ji gaya janik ko ih. Lian gak ko munguk tekudu singen. Tapi mun mekat pedih kawak tan pekawi ien.

Ih la ji uma padai wak japan tedanuk. Mun labik anum macin la susah jumit. Anik padai wak ngak tenaduk ien luk matai.

Ien singenlah bak cerita telo lau ih. Puma padai cara a liko Kebuaw. Kapong kik ko rasa lebih kurang sama kawak cara menaduk padai. 

Ta'un Bao

Dei sedar alu tan ngak masok ta'un 2010. Sau a Melayu, "pejam celik, pejam celik" ngak petukar ta'un. Bila piker balek uno ji wak ngak ninak dagen ta'un 2009 sabei, saji idak ji gaya wak debei sepat majih nak. Mun piker wak ninak bak gim dirik telo debei saji idak ji wak dei terlaksana. Tapi mun telo bak piker keluar keman hal telo debei, piker pasal tenawan gak dawak telo, gak kedau telo kerja, gak kedau telo diem...masyarakat sekitar telo. Uno ji wak ngak bei ninak telo bak gim komuniti gak sekitar telo? Wak ien ko rasa idak telo dibei tujuh uno-uno sumbangan tapi mustahil kawak la. Mesti kawak telo bei menak sumbangan samada dagen bentuk tenaga ataupun harta benda ataupun kewangan gak komuniti telo. Mengasi kawak telo dibei menak uno-uno sumbangan kan. Telo tudip berkomuniti deilah terlalu bak memikir pasel hal telo debei singen.

Sempena ta'un bao ih mesti idak angai perancangan wak bak nak sepanjang ta'un bao ih. Jadi, adik kakak ako bak mendoakan supaya setiap apah telo bak ja'an bi'eh ta'un bao ih supaya telo kenah terus bak tujuh sumbangan gak komuniti telo serta negara telo. Dak semuah telo bak bei udip wak da'o ta'un bao ih. Amen.