Tuesday, May 26, 2009

Menaduk Balau


Puma balau saji kereja a liko. Ka'an-ka'an ko mapun kedau a, mesti lien mengaitkan a Melanau jegum "sago". Ien saji ngak "trademark" telo a Melanau gak ga'an kedau.

Keluarga ko saji puma balau bak menyara udip kamei jatak tagan. Ien saji kereja wak ninak keman lo apak ayang ko sabei ngak.

Balau tenaduk keman anik wak tubuk gak pu'un balau wak nyat. Dah ien saji terpaksa jenaga atang buyak kuyad suka angai keman unyok balau wak agei umit. Ienla macam-macam alu ji gaya lo mak ko menak bak jemaga anik balau keman nebu kutad bau tanak. Kajih alu unyok kinah kuyad mun saji ngak luk atang.

Beh tenaduk mesti bak ninak tim wak ngak genuteng ninak manyit-manyit gak lawei balau ien. Lian gak bei kawak wak kenah kanen kuyad.

Beh tenaduk ien mesti bak slelalu kenuko migek balau ien debei alah buyak sak ku'ut atau mana-mana sak wak tubuk gak dawak balau ien. Ako bei kawak la nulong mak ko menaduk balau sabei tapi wak idak nak ko munguk gak lepau. Ien pun buyak lasuk angai tan dagen uma wak ngak dibei kayo alu agei. Mun sebelum menaduk balau, kayo wak tibang ien tenino migek tanak subur aluk bak kedau balau. Cut and burn kawak la gaya kamei puma balau sabei.

Lian ih dibei agei kamei muka uma balau bao buyak kamei bejanik idak wak dibei gak kapong agei. Tubang balau uma ien singen agei lah...Keman hasil wak numa keman sabei.

2 comments:

  1. balau ajau mahal.... kerja tubeng balau diak.. hehe.. mun idak balau kena beratus ringgit jelau pendapatan. ;)

    ReplyDelete
  2. idak a menaduk balau kaya...
    dao tan rasa kenah membaca blog lagen bahasa melanau.
    dao2 keep it up..
    harep kelo sentiasa bei idea bak menak entry..

    menyabik maaf idak2, buyak kame ih melanau oya,
    gan tao de fahem jumit ubak.

    ReplyDelete