Pawah Gak Kapong

Lau Krismas ih menak pawah angai tan rasa bak pedun jegum lo tina tama jegum janik-janik. An lah tan gaya mun dei kenah pulik. Ta'un ih ko dei kena'an pulik kapong. Cuti ko alang-alang angai ji. Makin agei ako mesti bak gemetuk wak tulih ko. Keja wak ngak pa'ut angai dei ninak ko.

Pulik keman sebiang malem ien menak ko pawah tan gak kapong. Menyenged ta'un jelauseh kamei bejanik pedun. Kamei berabih keman inut, pansoh si'au, jegum tino si'au. Aduhai, pawah alu tan gak kapong. Pulik kedau a dei sama tan jegum kedau ko debei. Hmmmm.....sebak tan rasa.

Ta'un bao ko mesti pulik. Duin mak pun makin lakei. Maler pedih2...Dao kawak mun kamei bejanik kenah idak-idak pulik kapong. Ga'an tao ko grad ta'un bao. Kenah la menak keman slamet jumit.

Ien singenlah bak cerita lau ih. Nangih gei na'ah mun kerapak didak-didak....

Slamat Lau Ayang Krismas

Ko bak wish selamat lau ayang Krismas gak semuah lo janik-janik jegum sakai-sakai wak selalu jungat Blog ko ih. Dak dao bieh kelo taun bao ih. Tuhan memerket telo semuah.Amen.

Pulik Sibau

Ko pulik Sibau lau selihsuneh....Debei sabar alu tan agei rasa. Pawah angai tan bak petemu duin mak jegum apak ko. Bak petemu jegum naken-naken ko kawak. Nyat ngak lo anik ien. Boboi maler melabau gak ko buyak nau paut angai ngak ko dei mapun kedau lien. Sudahla nyin dei tao gak ga'an kedau Sabah. Bila ko pesusui pebak bilun usu pulik baruk la nyin tao Sabah ien jauk keman Sibau. Mala kawak ko madak duin melabau gak mak luin. Madak pilak ji dagen peta gak ga'an kedau Sabah.

Lucu kawak tan bila peta'ah lo anik ih melabau wak kesau ien. Ienlah mesti luin pawah bak petemu ko kawak.

Neh la cerita udei...Pinyi sumber keman mak jegum apak ko supaya idak aluk ji kenah bak kongsi ko jegum lo adik kakak dagen blog ko ih na'ah.

Cerita Rayak

Uno bak cerita telo lau ih sakai? Debei idak lau agei bak rayak. Debei labik pun jemigu agei. Gak ga'an pun telo a Melanau belelang, mesti a melabau telo Selem ka Kristian. Ako saji pueh angai ngak tenelabau pasel agama ih. Nau lah agei ngadan bei ninak BINTI. Mun liko bah inan (Semenanjung) luin saji pikir ko Selem. Kak salak sakai, kamei a liko (Melanau) ih saji bebagi duah...oaky telo lah kira nyin. Pagan (Liko), Kristian jegum Selem. Pagan ien wak dibei agama, agei pecayak gak adat dana. Pecayak gak lo ipuk-ipuk (semangat). Mun sabei ngak kajih mupor padai mak mesti bei tujuh keman ipuk padai. KO pun dei rapa senged angai ji agei wak senisik nyin dagen kedau wak nanyam keman daun nyipak. Mun dei saruk ko lah, dagen ien ninak nyin bereh kunyit (kuning), rukuk kirai jegum sigup, sepak, pinang jegum binyou....bei kawak wak kik tapi ko dei senged agei. Pulik ih saji ko mesti melabau gak nyin pasel adat-adat dana ih. Idak angai ngak ko liluk.

Mun wak Kristain ien biasa nyin saji Kristian Katolik tapi bei kawak wak Methodist jegum SIB. Idak wak Kristian ih gak kawasan Daled jegum Mukah. Mun Selem saji idak bah Igan, Daro, Mato, Balingian, Belawai, Rajang, Oya.....tapi gak Mukah jegum Daled bpun bei kawak Selem tapi bukan majoriti.

Rayak ih saji bak makau mapun kedau lo segak-segak wak menyambut rayak lah ji gaya ih. Janik ko debei pun bei kawak wak rayak.

Bah, ien singenlah bak cerita telo lau ih.

Selamat Lau Rayak gak lo janik-janik, segak-segak jegum lo sakai wak menyambut rayak taun ih. Dak dao bi'eh kelo.

Pulik Kapong

Dei saber alu tan agei rasa bak pulik kapong. Tiket ngak benelei lau ien. Ko pulik 21 lau bulan labik 28. Jarah raya gak kedau cikgu ko siew gak Sibau bah abei ko labik ien. Paut atang ngko ko debei petemu cikgu ko ien. Nyin cikgu ko sekolah rendah sabei. Ngak beilah duah puluk lbih taun. Lakei ngak ko ih.

Kalik lau 22 baruk ko kabak. Pulik kapong. Pawah tan bak temu mak jegum apak gak kapong. Bak keman wak bak kanen a liko. Keman inut saji tetep. Heheheh.... Bulu ien saji. Bei la sakai ko liko Papua. Ko melabau gak nyin uno luk nyin kira buah tangan la sau a Melayu. Ako melabau la nau nyin tao gak BULU. Ko pesusui la keja'an ji win...nyin pun tao kawak sau. Nyin madak ko pigek ienlah. Jelaweh agei madak ko pigek kupi. Nyin liko Sabah, bak nyubak kupi wak nak a liko sui nyin. Buyak ko bei cerita gak nyin kamei bei menaduk kupi. Na'ah la mijin kupi pulik ih...

Bah, na'ah ko cerita udei lah. Bei miting beh ih.......temu udei.

Kenyuma

Lau sabei ko cerita pasel lameh. Lau ih ko bak cerita pasel KENYUMA.

Saji keman uled angai kawak telo a liko oh owh. Mun bak kenira atang bei telo macem ji gaya uled kinah telo.Wak paling popular saji si'et atau ulat mulong lah. Ien saji gak ga'an-ga'an a ngak tao pasel si'et. Lagipun idak kawak ji bangsa atau kaum kik wak keman si'et kawak. Mun gak Sabah, lien gi'ih menibah ien "butod". Ko bei kawak tan cerita pasel si'et siew sabei dagen blog ih, mun kelo bak maca cuba inyi pebak "search my blog" ien.

Beh ien telo keman lameh. Ien ko rasa debei ngak rapa popular gak kik. Ko debei ngak bei petemu bangsa kik wak keman lameh walaupun jauk kawak ngak ji gaya ko merantau gak Borneo ih. Tapi bagi telo gak liko lameh lah uled wak paling ma'al rega ajau jegum wak paling dao nyam.

Ok, ajau telo bak cerita pasel kenyuma. Paya kejian ateng ko keman kenyuma? Ako pun dei senged agei. Saji dana atang ji ngak gaya ko debei keman kenyuma. Ko rasa kejian ko keman lian ko agei sekul gak sekolah rendah sabei. Kalik bei dagen awal 90an.

Bukan kayo sebarang kawak ji kedau a mayam kenyuma ih. Sui telo gak liko nayam padahal kayo wak ngak titak dadit bei 2 kaki ji kelalo ien nu'em dagen anum singen.Tapi lian gak ko iran kawak bila ko pilak lo mak suped kayo wak lenyed dagen anum serta lien tao kenah igekkah debei kenyuma ien. Ien ako saji debei rapa tao, tan an tan luin tao kenyuma dagen kayo ien kenah kanen. Kalik luin saji tao jenis kayo ien kawak gak lah.

Mun bak nikut atang gaya lo mak ko menak kenyuma, kayo wak saji ngak penilik jenis nyin tibang luin beh ien titak dadit-dadit bei 2 kaki ji kelalo. Beh ien nu'ei jujuk baruklah ninak dagen anum. Nu'am dagen anum gak lisi sungai bei 3 bulan dakai kepaut. Beh 3 bulan baruklah bei kenyuma keman kayo ien. Senged ko lah, mun anum masin labik gak sungai kamei, laju aluk kayo ien nesok kenyuma. Ko pun iran kawak, uled nau da kah kenyuma ih? Mun nilak ji petiduh ji. Lalo kejien tapi nyipen kenyuma ih manyit angai. Ienlah mun bak tao idak kah debei kenyuma ien dagen kayo wak nu'am telo ien, sagam singen tan bi'eh kayo ien. Mun idak ji nyipen ien keluar gakbi'eh kayo idak lah gak kenyuma ien dagen kayo ien.

Ko suka kawak keman kenyuma ieh. Mun ngak nisik sup ji jumit, memang temih alu nyam. Tapi paut angai ngak ko dei keman, dei taolah mun ko agei luk keman mun ko peden kenyuma ih. Ji petiduh ji oi...:D Geli udei tan ko bila ko nyenged. Tapi uno-uno pun kenyuma ih adalah salah satu agei wak kinah telo a liko.

Bila ngak keluar keman kapong, bei kawak pepikir pasel wak keji'ih. Agei kenahkah telo mengekalkan kebiasaan telo wak dana supaya debei teras neliluk. Ien semuah hanya keman telo debei singen.

Dibei bak kiyak nyadin "orang asal". Dibuh bak diagungkan adat liko kik.

Ien singenlah ji gaya bak cerita lau ih jegum kelo. Lau suneh cerita udei.

Lelameh

Paut angai ji ngak blog kamei ih dibei dengah alu. Terima kasihlah gak kelo lo sakai-sakai wak luk jungat blog kamei ih walaupun jarang angai ji kamei cerita gak gi'ih.

Uno wak bak dengah ko lau ih ienlah pasel LELAMEH.

Ko cerita tan pengalaman ko debei jegum lo mak apak ko pinyi lelameh dagen gu'un siewlah. Lian ko agei umit sabei kira dagen ujung-ujung 80an awel 90an saji agei bei lameh gak kapong ko. Lian ien agei idak gu'un ayang debei ngak jijak numa balau ataupun ajau bei wak ngak numa nyadin ladang kelapa sawit. Bah segak Matu-Daro ien saji ngak numa nyadin ladang sawit min ngak. Ako agei senged beilah jelakau ien idak alu a keman bah wab (Daled) pado kabak la'an mapun kapong kamei buyak lien inan bei peta'ah bei lameh gak kapong ko. Mun dei salak tan senged ko, lian ien lameh ien bei gak Sg. Kebuaw. Kamei pun dei luk bak debei upet alu kamei pun pa'ai mapun Sg. Kebuaw. Ako agei japan 9-10 taun umor masa ien, dei luk perak, jegum lo mak kawak. Kamei pa'ai saji awal atang mun ngak lau saji dibei sepet agei buyak idak angai a kik ngak pa'ai siew.

Wak senuka ko masa ienlah, bila mengenah lameh ien bau daun kayo jegum mun nu'uh lameh luk labuk bao tanak. Debei bao daun kayo sebarang lameh ih bei tenemu. Ako dei senged kayo nau wak kenedau lameh ih tapi sakai ko susui kayo Meranti. Tapi wak tao ko daun kayo ih kenah ulam unyok nyin ienlah sui a nyat telo kenah keman uled lameh ih. Ko bei melabau gak jelaweh saintis keman Singapore pasel lameh ih. Nyin debei kenah bak pesusui ien uled nau tapi kalik ulat atau larva kupu-kupu tapi debei tao jenis wak an.

Mak ko bei cerita pasel moyang kamei sabei. Mun nyin tabui pinyi lameh debei pernah luk penuk alu put milo wak igek nyin bak kedau medun lameh buyak nyin suka angai pumai lameh tak. Mun nyin pulik kusong singen put milo igek nyin pulik serta bilem alu nyipen. Mun nyin pinyi lameh mesti nyin pingah si'ah jegum bulu. Ien singenlah bak nyin keman lameh ien.

Ako dei rapa senged ji agei gaya lo mak misik lameh tapi ako suka angai keman lameh pu. Mun ngak nepu, ricak alu nyam agei lameh ien. Samalah keman kerupok singen. Mun idak atang kenah , mesti nepu mak ko migek kenah ipih pa'ut. Lameh pu ienlah wak kinah ko jegum janik ko nyadin kerupok gak jawai TV.

Kejian angai ko keman lameh ko rasa dagen taun 1996 kejien. Bebeleh taun kawak padu ko dibei petemu lameh alu agei. Lian ien sabei rega sekilo lameh tak RM60. Ajau sui sakai ko a gak Daled jaja labi RM100 ngak sekilo. Ajau susah angai agei bak pinyi ienlah kalik rega makin ma'al. Mun bei pun dagen gu'un dibei rapa idak jelakau bei. Kalik kayo wak kenedau lameh ien dibei agei.

Mun bei a luk menak kajian pasel lameh ih saji dao atang. Kenah kawak nyadin alasan telo a liko bak madak kerajaan mipih gu'un wak bei kedau lameh ih diam. Sepanjang ako merantau, masok keluar gu'un debei ngak pernah ko petemu lameh. Ienlah wak nyadin misteri ien, buyak nau gak kawasan a liko terutama gak Daled singen bak bei petemu lameh. Buyak nau dibei pernah ko petemu gak kik. Atau buyak debei ngam timing ko kah? Ako pun dei tao.

Lameh adalah salah satu makanan tradisi telo a liko. Dagen dei sedar telo semakin kehilangan makanan telo ien. Idak kawak liko kik wak tutui telo pinyi serta keman lameh ih, ji liko balah, bahkan kina gak Daled pun sagup melei mun bei a jaja.

Ien singenlha ji gaya bak cerita ko lau ih. Bei lian cerita udei.

Taib: Preserve ethnic traditional know-how

The Star Online
Published on: Wednesday July 8, 2009

KUCHING: Chief Minister Tan Sri Abdul Taib Mahmud wants the traditional knowledge of the state’s nearly 30 ethnic groups to be preserved through the use of information and communication technology (ICT).

These ethnic groups tend to pass down their knowledge orally from one generation to the next through stories and songs, he said.

“There is much to be learnt from these communities; the knowledge they have on health, history and way of life,” he said when opening an international conference on information technology at the Kuching Hilton yesterday.

The text of his speech was read out by his deputy Tan Sri Dr George Chan Hong Nam.
Taib urged Universiti Malaysia Sarawak (Unimas), which organised the four-day conference, and other research institutions to identify ways in which ICT could be used to preserve the traditional knowledge.

“There is a need, for example, to enhance speech recognition technologies to speed up the process of converting speech to text so that the text could be stored and analysed.”
He said machine translation software, which Unimas was researching on, should be developed for local languages.

The move, he added, would enable indigenous languages to be translated to English.
Taib commended Unimas for its successful e-Bario project, which brought IT access to villagers in the Kelabit Highlands of northern Sarawak.

“Unimas will be at the heart of the state’s multimedia super corridor activities, particularly looking at the incubation facilities for technology start-ups and in addressing the state’s human resource development needs.” said Taib.

Perkongsian

Paut ji ngak kamei dibei menulih dagen blog kamei bejanik ih. Idak wak bak cerita tapi dibei ngak bei lian alu ji bak menulih. Mun bak kenira janik ako wak apah nyat angai bei idak aluk sau cerita adat a dana wak bak cenerita mun bak dibanding jegum ko. Tapi ienlah ako menulih mengikut ji wak pernah dilalui ko debei. Mun bei ji wak salak terutama pasel adat a liko wak dikongsi ko, ienlah guna ruangan komen ien supaya kenah telo sama-sama bak memetul sau wak salak ien.

Jadi ako arap bei lo adik kakak wak luk mengongsikan adat atau kepercayaan a dana mengikut ji wak tao kelo. Ako menak blog ih pun cuma bak mengupul sau cerita pasel a Melanau. Ien singen ji gaya bak cerita ko lau ih.

Bei lian na'ah cerita pasel kisah dongeng wak diceritakan turun temurun lo tipo-tipo nyat telo. Ko debei pun idak ngak liluk, cerita pasel lo Tugau, Amo Kulum, Ipuk Padai serta idak ageilah. Dongeng atau lagenda ien wak dao kawak sau gaya bak tenulih telo udei supaya generasi telo wak umit @ muda debei liluk pasel wak ien. Na'ah lien tao cerita Snow White, Cinderella singen tapi dei tao cerita dongeng telo a Melanau. Bed time story sau liko putik...:D

Menului a matai jagai

Badak dao beyeh telo semuah. Ako bak cerita pasal adat a dana 'menului a matai jagai mapun liko a matai'. Cerita ih kenah ko keman a tama ko Ragai Dit.

Melanau dana idak adat samada a mengatur tudip atau a matai. Adat menului a matai jagai mapun liko a matai dibei agei lian ih. Tapi kalau telo bepikir tan ji wak nak luwin sama lah tan cerita Roh Kudus dagan agama Kristian. Masuk liko luyin tapi apah kaau kekal gak dunia ih.

Kesau ih sau cerita lau apak. Apabila bei a matai, a tudip mesti bak menului nyin pulik. Apah a matai memang tenanam tapi roh nyin wak tenului luwin. Biasa nyin upacara menului ninak lian malam. Jatak salui umit taji ninak dagan kubo bak sawak luwin menului. Sai sai ji wak bak menului mesti jakak dagen salui jegem pela semuah. A menulo liyin, menibah matai memadak nyin jakak sama jegem ubak jampi a dana.

Apabila luyin ngak bepela, lian yin luyin debei tao gak telo tapi luyin merasa luyin gak liko ke'k. Sui apak, lian keyin kenah mupak buak bengeh gak liko amo jatok gak liko telo.
(Debei dao tan rasa ko cerita ih, sorry... the Holy Spirit within me is manifesting..."O Jesus, help me." Debei kenah tan ko cerita agei. Maaf. Cerita kek ja'an.)

RAGAI Bejanik

Ajau ngak bei telo laweh kamei bejanik menulih dagen blog ih, jadi debei sesuailah ji agei gaya mun ngadan blog ih Melanau Girls On Blog buyak janik ko wak lai ngak bei join nyadin penulis dagen blog ih. Nyin janik ko apah ayang angai nyadin kalik nyin idak aluk ji gaya bak cerita pasel adat telo a liko dagen ih. Ako pun manah kawak buyak nyin luk tutui nua janik ko bak menulih dagen ih. Kamei semuah nyat dagen budaya a liko tapi buyak ko apah umit angai idak kawak ji adat wak debei rapa den atau nerasa ko. Kalik buyak mak jegum apak kamei pun debei rapa menegaskan pasel adat gak kamei anik-anik duin.

Sokongan kelo sakai-sakai wak luk memaca blog kamei bejanik ih saji kamei luk bak tujuh terima kasih wak idak-idak gak kelo. Mula niat ko menulih blog ih supaya ko debei liluk ubak liko, maklumla ako jarang-jarang petemu gak a Melanau bila ko gak liko a. Tapi ajau ih bila janik-janik ko luk tutui serta bak menulih sau wak pikir wak dilalui luin, ako rasa manah angai. Makin agei bila bei lo sakai-sakai luk melawat serta tujuh komen wak membina sau, makin menak ko suka bak menulih idak aluk. Pawah kawak tan rasa mun bei sakai-sakai a Melanau kik wak bei menulih blog dagen ubak liko bak nyadin jaringan blog kamei ih. Walaupun telo a Melanau pun idak angai dialek wak debei sama tapi telo tetap kawak bangsa Melanau. Ien wak saji penting. Ngadan bangsa telo tetap Melanau. Oya, Igan, Dalat, Mukah, Rejang, Matu, Daro, Belawai, Bintulu....bahasa telo saji debei sama sau tapi telo tetap a MELANAU.

Melanau Besayah

Salam gak kelo. Badak dao biyek telo semuah.

Ako labek udei lau ih bak cerita pasal wak ninak a lai Melanau bak pinyi sawa, BESAYAH. Ako agei jemelai sabei bei kawak ko besayah tapi besayah a lakei. Bukan bak pinyi sawa tapi bak peta'ah cerita a dana. Bei jelakau ko pulik badek keman kedao tuak ko sebab idak angai cerita jegem anek anek mero nyin. Senusui lao mak ako pesayah. Ako bei jumit suka gak anek luwin tapi ako lebih suka cerita jegem tuak, peta'ah cerita a dana.

Ako agei umit sabei, ako bei pilak a pesayah tuak mero ko lian ako agei diam jegem apak ayang. Lian yin umur ko bei 4 tahun atau 5 tahun keyin lah. A lai yin biasa nyin labei bah abei. Lian gak bei kawak berabeh keman sama, beh yin cerita jegem tina tama a mero.

Kalau ngak selalu angai labek pesayah, baruk lah a nyad melabau sau lakau nyin labek tiap malam ngak kubo nyin. Kalau a lai yin bei rudeng bak besawa, tina tama a lai yin labek betemu gak kubo a mero senayah nyin.

Bei yin masuk cerita adat Melanau merisik, melabau, bertunang serta kawin.

Gotong royong - Melanau

Salam gak kelo semuah. Padak dao biyeh kelo.

Ako janik apah ayang angai keluarga Ragai bak cerita jumit pasal semangat gotong royong Malanau. Biasa telo peta'ah gotong royong adat a Melayu tapi Melanau pun bei semangat gotong royong keman sabei angai. Semangat ih lah dao angai bak sesud teladan anik a lian ih.

Kalau telo bak merati tan masa Melanau gotong royong, luwin begaul tan a bejanik tan jegem japah japah. Ih kenah den telo lian gotong royong mematun kubo, jujak dawak alun atau pun jujak dawak sekul. Wak pedih nasang pun luk sengor pilak japah japah kereja. Ako menyengad angai tan masa ako agei umik sabei, lau adek kakak, jepo, tuak mematun kubo. Dao angei tan rasa ko lian yin. Tapi lian ih idak angai a gak kapong debei peduli angai pasal gotong royong tapi luwin lebih suka mengaji a. Lian ih mata telo luk angai tan bak pilak duit.

Ako harap semangat gotong royong telo debei berkubur singgan. Telo a agei bei tenaga sepatut nyin menyegad udei semangat dana.

Menaduk Balau

Puma balau saji kereja a liko. Ka'an-ka'an ko mapun kedau a, mesti lien mengaitkan a Melanau jegum "sago". Ien saji ngak "trademark" telo a Melanau gak ga'an kedau.

Keluarga ko saji puma balau bak menyara udip kamei jatak tagan. Ien saji kereja wak ninak keman lo apak ayang ko sabei ngak.

Balau tenaduk keman anik wak tubuk gak pu'un balau wak nyat. Dah ien saji terpaksa jenaga atang buyak kuyad suka angai keman unyok balau wak agei umit. Ienla macam-macam alu ji gaya lo mak ko menak bak jemaga anik balau keman nebu kutad bau tanak. Kajih alu unyok kinah kuyad mun saji ngak luk atang.

Beh tenaduk mesti bak ninak tim wak ngak genuteng ninak manyit-manyit gak lawei balau ien. Lian gak bei kawak wak kenah kanen kuyad.

Beh tenaduk ien mesti bak slelalu kenuko migek balau ien debei alah buyak sak ku'ut atau mana-mana sak wak tubuk gak dawak balau ien. Ako bei kawak la nulong mak ko menaduk balau sabei tapi wak idak nak ko munguk gak lepau. Ien pun buyak lasuk angai tan dagen uma wak ngak dibei kayo alu agei. Mun sebelum menaduk balau, kayo wak tibang ien tenino migek tanak subur aluk bak kedau balau. Cut and burn kawak la gaya kamei puma balau sabei.

Lian ih dibei agei kamei muka uma balau bao buyak kamei bejanik idak wak dibei gak kapong agei. Tubang balau uma ien singen agei lah...Keman hasil wak numa keman sabei.

Cerita Lian Agei Umit

Lian ko agei umit sabei selalu kawak ko jegum mak apak ko menaduk balau. Saji kerja kamei bejanik keman umit angai menulong duin mak jegum apak puma balau, puma padai, menaduk sayor. Semuah ien saji bak pinyi duit. Keman agei umit angai ngak najer lo mak pinyi duit kamei debei. Ako agei senged angai ako nyadin ulin salui mak mun mapun uma. Mun lian bejaja bereh atau sayor ako bau nyabu salui. Idak ji kenah bereh taun ien mesti jenaja bak pinyi duit. Dagen taun 90an sabei rega bereh jegatang cuma RM6 singen. Ajau ih ngak RM12. Duah kali ganda alu ngak.

Mun petaduk sayor, ako suka petaduk sayor kubis. Sui a kubis nyadin gak tanak debau singen tapi tubuk kawak gak kedau kamei. Ako suka angai pulem kubis tak sabei. Ajau kurang ngak jumit. Lian ko agei sekolah rendah ako saji petaduk sayor angai. Maklumla la gak sekul cikgu bei menak tabung sekolah bak gim semuah anik sekul. Tiap awal cikgu mesti medun duit tabungan kamei. Tiap lau bei la 20 sen 30 sen wak kenah bak dipih dagen tabung sekul. Ngak ujung taun baruk la cikgu tujuh balik duit tabung. Ako agei senged duit tabung ko lian ko Darjah 6 labik kawak RM70. Manah alu tan rasa bila pilak hasil tabungan idak alu ji. Tapi bei kawak lian menangih alu metup apui bak petaduk sayor. Ien la tan kesusah rasa bak pinyi duit.

Ien singen siew lah..lakau kik cerita udei…payah kawak mun selalu angai mengenang kisah dana. :D

Juru

A liko wak puma padai, keman berih uma mesti bei mipih juru. Uno bak menak juru? Uno guna juru gak a liko?

Juru ninak keman kulit da'an balau wak agei japan bak bei usah. Kulit da'an ienlah wak nigek beh ien ninak tu'uh. Nanyam bak ninak nyadin juru segipat. Lian gak bei corak anyaman wak dao ji nanyam gak juru ien. Sebab warna bah dagen jegum luar da'an balau ien mun ngak tu'uh debei sama ji. Bah luar ien terang aluk ji coklat nyin, bah dagen kurang terang. Beh ien gak dawak ien ninak bak wai. Ako pun dei senged uno sau gaya menyebut ien dagen ubak liko.

Inek bah layan apak ko sabei saji menak juru angai. Nyin diam gak Daled tapi nyin dibei agei ajau. Paut ngak matai. Kamei gak Kebuaw kalik dibei a tao menak juru buyak kamei selalu melei keman Daled. Ako dei tao sai a liko Daled wak kedau lo mak ko melei. Bukan nau, a gak Daled agei bei belanga kedau menak bulu. Ienlah lien agei beguna juru kawak jadi lien kekal bei a tao menak juru.

Bei rasa menyesal kawak tan dei tao keja'an tan gaya menak juru ih buyak gak kedau ko kerja ajau liko gi'ih bei kawak juru tapi adep ji juru lien.

Uno guna juru ih? Sebenarnya, mun mengikut tan gaya keluarga ko. Kamei pebak juru ih mecat padai jegum berih. Bak mepit apak padai gak padai wak ngak siap nenyut jegum abok padai dagen berih. Ien singen lah guna ien. Ako bergelek alu pekawi pun debei kawak bersi alu berih cat ko pebak juru. Ako dei rapa bei skill (sui liko putik), ienlah berih selalu angai pusai jegum berih saji dei bersi alu.

Ien lah sinegn perkongsian ako pasel juru. Mun bei sau salak ien..juh la komen. Ako pun dei rapa pas anagai pasel juru ih. Tao kejien-kejien singen.

Kulum & Lau Nyerari

Bei cerita a dana pasel kulum. Sui cerita lian basak siab-siab kulum selalu angai makau dagen sungai pinyi ikan. Makin agei mun basak jegum nyerari. A nyat suka angai menganger anik umit pelik dagen sungai mun lian nyerari. Sui dengah gak, kulum luk mengacau atau keman anik umit. Ien lah anik umit debei luk alu pelik dagen sungai mun lian basak siab-siab.

Ako debei rapa sah angai gak sau cerita wak kajih buyak wak senenged ko mak mala memulik kamei keman dagen sungai mun lian lau basak siab-siab jegum nyerari. Nyin pesusui na’ah nelim kulum dagen lubi. Alu lah kamei bejanik rariu pulik mapun lepau. Ngak ja’an ji lau baruk la kamei luk makau bau tanak udei. Pasel lau nyerari ih idak sau reti wak debei kenah nak.

Mun peden “pelangi” (ako liluk ngak uno ngadan pelangi dagen ubak liko), debei kenah tenujun bak tujuk na’ah tujuk tetak.

Bei kawak pesusui debei kenah makau bau tanak mun lian basak siab jegum nyerari na’ah nelim pengamo. Mun lian basak nyerari ien, mak selalu madak menak sak ku’ut bau linga.

Nyin pesusui, lau nyerari raja makau. Ko pun dei tao raja nau. Ienlah mesti nyin akan menyebut “ Tabik Raja”. Kira nyin mun menak sak bau linga ien telo tujuh hormat gak “raja” ien lah.

Ien sau jumit cerita pasal amo kulum jegum lau nyerari.

Sembang-sembang

Lian ko pulik lau ien nua janik ko bei cerita pasel adet jegum wak kenesayak a liko serta macam-macam alu sau cerita dana. Beh ien lau sabei ko jegum geng2 gak opis cerita pasel wak kenesayak kawak. Alu idak alu tan bak senerita ko gak gi'ih tapi cerita wak saji betul atang pasel a liko ien wak dei rapa pasti ko ketan an tan ko bak mengesahkan cerita ko ih jegum wak saji adet dana wak namal a liko dana sabei. Maklum singen lah kadang2 bila ngak semakin moden alu idak angai ngak terkurang serta tenamah cerita ien.

Ako agei senged kawak masa janik ko wak nyat sekul gak SMK Dalat ujung taun 80an sabei luin bei majalah sekul ngadan ien Jerunai. Ako paling suka maca bahagian Ruangan Karya sebab idak angai cerita rakyat dagen ien. Ako dei pasti sama ada ien cerita rakyat saji a liko atau cerita ien nnigek keman cerita dongeng tapi senerita udei dagen ubak liko. Tapi sa'e angai ko dei tao agei gak ga'an kedau lo majalah janik ko ien. Mun bei dao kawak bak cerita udei gak lo adik kakak supaya dei majih kejien singen.

Ien singenlah lau ih. Lau suneh mun bei lian cerita udei.

kue sepit

Lau ien ako bei susui bak cerita pasel mena sepit. Ajau ih idak angai a mena sepit. Bei wak nelipak cgen, gulong ayang jegem gulong umit. Ko suka sepit gulong umit wak ninak lenga. Sui apak ko senang keman dbei pusai.
Sepit ih asal nyin nina keman tepong balau, tepong gandum, gula pasir, teluh siaw, gula nyipak (gula apong sui a gak), jegem santen be'nyuh. Bei sepit nak a dbei nina lengak. Tapi sepit wak nelajer ko bei ninak lengak. Buyak ienlah sepit asel keman judan mahal keman sepit area kek. Kue sepit ih bei acuan nyin debei. Masa telo mena apui dbei kenah jed angai. na'ah megou.
Kalik bei anik umit ajau ih dbei brapa suka bak menyuba keman sepit. Sai-sai a dbei ngak menyuba, cubalah, ga'an tao kenah bak nyadin makanan kesukaan telo. Mun telo ngak petemu jegem sepit wak dao nyam, luk gi'ian telo buyak. Ako dbei ngak bei gaber bak nak. Na'ahlah ko menak. Telo anik-anik bao ajau ih cubalah keman bak kanen tradisional telo. Kak agei telo a liko, kina pun suka.

Ako Penulis Bao

Janik ko terhegeh-hegeh madak ko nulong nyin mengarang dagen blog ih jadi dengan tidak relanya ko pun luk singenlah. Wak tengah menulih ih pun nyin kawak....menak cerita budei singen nyin ih.

Okay..ako akan cuba menulong nyin pinyi mana-mana ji cerita pasel a liko (Melanau). Ako ajau tengah menak kui sepit. Kenah kawak ko bak pekusi resepi kui sepit kamei. Na'ah lah ko cerita idak aluk.

Sarawakiana Talk

Pustaka Negeri Sarawak will organize Sarawakiana talks. Details of talks as below:

Title : Dance.... What is Dance?????
Speaker : En. Sharkawi Haji Amit
Date : 23 April 2009 [Thursday]
Venue : Special Collection Room
Time : 2.30 pm - 4.30 pm
Source : Pustaka Negeri Sarawak

Brief Description of the talk:

The talk encompassing the definintion of dance, objectives and functions of dance as well as Sarawak ethnic dance. En Sharkawi Haji Amit will talk about the philosophy of ethnic dance and the dance movement by comparing between local ethnic dance and modern dance. Sarawak ethnic dances are dances performed and preserved by ethnic groups in Sarawak. Every culture has developed its own means of expression through movement. These dances were part of tribal rituals, designed to be performed at crucial moments in the life of both the individual and the ethnic group.

All Pustaka's member is invited.

Kekalkan Tarian Asli Melanau

Lau pat lau ien bei program memartabatkan seni budaya wak ninak lo keman Kementerian Kesenian dan Kebudayaan Negara.Walaupun ninak gak Sabah tapi ien kononnya program jalinan mesra Sabah jegum Sarawak jadi lien bei megam lo keman Limbang.

Suka kawak lah ko pilak lien menak pameran kebudayaan jegum adat liko tempatan termasuklah adat kawin Lundayeh, tarian-tarian kawak. Masa malem kejian ien lien bei menak persembahan tarian. Wak menak ko miak angai ienlah bila ko pilak persembahan kumpulan tarian keman Limbang. Ko dei tao tarian tradisional kaum uno wak dipersembahkan luin. Bila lo keman Sabah melabau gak ko, tarian kaum nau lah ketan ien, ako dei tao uno bak jawab. Wak asak wak nebak lien pun ko dei tao,pakaian rojak keman an wak nebak lien. Ako rasa sangat miak bak mengakun liko Sarawak bila ko pilak lo keman Limbang ien menari. Mun bak dibandingkan jegum tarian kumpulan keman Sabah, samalah langit jegum tanak singen. Ga'an tarian liko Balah, Orang Ulu, Bidayuh, Melanau etc...buyak naulah bak menari tarian kontemporari wak samalah rojak wak dei dao nyam alu ien dipersembahkan. Ngadan program seni budaya, sekurang-kurang nyin lien menarilah tarian tradisional kaum wak bei gak Sarawak.
So, ako arap angai mun bei uno-uno acara, mun bei a madak menari tarian Melanau, kak la mencampor aduk jegum tarian kik wak menak miau alu keaslian tarian a Melanau. Ien singenlah wak bak dikongsi ko jegum sedara a liko ko. Arap telo kenah mempertahankan keaslian tarian telo a liko. Walaupun ko debei dei tao tarian a Melanau tapi ako akan belajer.

Maklumat Pasel Adat A Liko

Ako bei terimak jatak email keman pelajar Curtin wak menak study pasel adat a liko. Nyin bei melabau gak ko pasel adat telo a liko pasel belum jegum bergendang.

Mula-mula angai ko terimak email nyin ako rasa was-was kawak buyak kelijah alu bak bei a berminat pasel adat telo tapi bila nyin pesusui nyin liko Dalat jadi ako rasa ako patut menolong nyin. Wak menjadi masalahnya, ako ih bukan bei idak pengetahuan pasel adat a liko. Wak tenao ko ien hanyalah asas sinegn, mengikut ji wak den ko serta pengalaman ko gak kapong. Mun wak saji atang ien, ako deilah tao angai.

Masalah kawak buyak ko dei penah melabau atang-atang gak a nyat. Agei jatak masalah ienlah, masa ko agei umit sabei, a nyat (mak jegum apak ko) debei rapa luk tan bak cerita gak anik umit. Lien dei luk anik umit bak tao pasel wak kejien. Nyadin pabila ngak nyat, ako idak angai mengajih masa ko gak liko a, pasel adat ien dei denuli ko angai agei. Ienlah tan wak bak menak ko menak blog ih supaya ko kenah bak mengupul ji semuah pengalaman ko ayang sebagai anik a Melanau.

Jadi, ako rasa manah angai buyak bei kawak adik kakak wak berminat bak menak kajian pasel adat a liko ih. Ako akan cuba menulong mana ji wak kenah ko.

Ubak Liko

Ako ngak memutuskan ako bak menulih semuah posts ko dagen blog ko ih, ubak liko min buyak ko bei muka jatak agei blog dagen ubak Melayu, CRazE MinD. Tapi Melayu Malaya sau jumit kalik buyak pengaruh blogger keman bah Malaya lah gaya ih..:D. Kelalu idak maca blog luin.

Tapi dei hal. Ako akan terus cuba menulih semuah posts ko dagen blog ko wak ih ubak liko. Keman lau ih ako akan cuba menulih semuah pengalaman-pengalaman ko nyat sebagai anik a liko.

Ako suka angai menulih ajau, walaupun mana sau alu sau. Dei hal "Practice Makes Perfect" sui liko putik. Nak singen, pasti akan nyadin lebih dao mun selalu menulih. Haraplah ubak liko ko pun bei betul aluk sau agei beh ih. Ayat-ayat ubak liko ko agei idak angai wak debei rapa betul sau ih.

Orait...ien sinegn lah siew keman anik a liko..:D

Balau Information Centre - Is it Possible in Dalat?

Ajau ih ako gak liko a jadi ako dibei gaber bak kenongsi ko jegum kelo gak gi'ih. Jadi ako migek peluang ih bak cerita singen lah.

Bei jatak kawasan gak Kuala Penyu, Sabah saji bei pusat maklumat pasel balau. Pusat Informasi Rumbia. Gak gien bei menak dewan pameran maklumat pasel balau jegum guna balau. Bei aruh atau trail wak ninak bak kedau a melawat makau pilak2 ji balau tubuk gak kawasan ien. Kawasan ien paya wak tenaduk lien balau saji bak dipamerkan gak a didak.

Bei kawak kubo tradisional wak ninak keman kulit jegum daun balau. Bei jatak kedau wak menak pameran ketan an memproses balau secara tradisional jegum moden. Kraftangan wak ninak keman balau bei jenaja gak kedai serta bei wak dipamer lien gak galeri.

Ako dei ngak penah mapun kien tapi mun ngak bei masa ako akan melawat kien. Na'ah mun ngak bei gaber beilah jumit bak tilik ko gak kelo gak gi'ih.

Ako dei rapa pasti sama ada telo gak Dalat, Oya, Igan, Matu, Daro, Mukah, Rejang bei menak Information Centre keji'ih. Serata dunia tao telo a liko (Melanau) saji glamer menaduk balau tapi telo bei menak information centre ji wak ninak gak Sabah ih kah debei? Ako dei tao. Mun telo kenah menak jatak, ien saji dao atang supaya a bak tao ketan an tan atau keja'an ji gaya a Melanau menggunakan balau ih dagen udip telo sehari-hari.

Supaya debei la miau traditional way of Melanau using sago palm in thier life. Just a suggestion singen.

Bebayuh

Lian ko agei umit sabei, mun ko bei pedih wak mengenih angai ji mak ko mesti mengan ko petemu a bayuh.

Ko agei senged masa ko Darjah 2 atau 3 kejien ko bei pedih. Lian ko pulik sekul ko nyarih bak leput. Kelijah alu tan padem jawai ko. Lian nua janik ko pepela pulik kubo ako putak dagen salui. Majih alu tan wak dagen nae ko keluar min. Labik singen nua janik ko gak kubo ako terus masok kubo jegum pelikang. Ulo ako ayong angai tan, asel ako mekat ako mesti putak. Bila mak ko peden ko ketan ien, nyin bukan nya pengan ko mapun klinik, nyin terus menyeged ko buyak singen la buyak wak keman bao sui dengah.

Bah abei ien mak terus mengan ako petemu a bayuh gak Sg. Kut. Liko Sg. Kut mesti tao gak a lakei mero bayuh ih buyak nyin saji glamer angai mubat a. Lian ako dei ngak Baptize nyadin Katolik memang mak ko selalu angai mengan ako petemuk gak a lakei ih. Nyin dibei agei ajau, paut ngak nyin matai.

Ok, terus gak cerita pasel ko pedih unei. Bah abei ien mak terus mengan ako mapun a lakei bayuh ien. Ako dei rapa senged agei tan an tan nyin mubat ko tapi wak senged ko nyin mesti bak menyiluk ji uno wak menak ko pedih. Cara nyin ko dei senged agei kawak tapi beh nyin ngak peden uno ji wak menak ko pedih, nyin akan tujuh rawatan nyin lah, telo lau berturut-turut. Ako agei senged nyin menemuk ko jegum anum benyuh jegum remenit wak ngak dijampi-jampi nyin, jegum daun tebawan. Beh ien bei dedian kenaat nyin, apui dedian ien ninak nyin dagen bebak nyin, ninak nyin bao ulo ko. Beh ien, ulo benalut jegum tuala. Dei kenah pit labik gak kubo. Aiya..idak angai ngak wak dei senged ko. Tapi wak ko tao nyin pesusui gak mak, ako pedih buyak bedua ko nigek tao bao. Kira nelim lien lah. Nyin mubat ko migek bedua ko nelepih lo tao ien.

Ngak kajih pubat ien, macem-macem alu lah ji agei palei wak dei kenah kanen ko. Dei kenah keman bawang putik lah wak ko paling senged. Ko rasalah buyak amo medut gak bawang putik. Nyin mubat a pedih kan pebak roh-roh kegelapan. Kuasa-kuasa wak melawan kuasa Tuhan sebenar nya.

Lian ko agei umit sabei saji ko selalu angai nengan mak ko pubat gak a bayuh buyak nyin percaya angai gak kuasa-kuasa gelap ih. Tapi, masa ko jegum Youth Congress 1997 gak Sacred Heart Sibu, ako buyak Healing for sai-sai wak penah mapun bayuh keman umit. Masa Healing ien lah ko rasa pedih angai tan bila bak mepit semuah ien. Wak menak ko saji medut tan pilak bei jelaweh anik wak tutui kamei ien samalah wak kerasukan singen. Bukan nau, masa jegum Youth Congress ien pun nyin bei "tangkal" juh tina tama nyin. Saji teruk kawak tan nyin buyak Healing masa ien. Beh ienlah, tiap kali ko bei pedih mun mak ko bak mubat ko pebak lo nyuk-nyuk ko mesti melabau keman an nyin kenaan lo nyuk ien. Ko dei luk bak terlibat jegum black magic agei. I put everything in God's hands.

Tapi daolah bak senerita ji gaya adat a liko dana kawak bak tenao telo semuah. Adat bebayuh ih saji agei namel segelintir wak debei percaya gak Tuhan (pagan) ataupun bei segelintir kawak wak percaya gak Tuhan tapi setengah-setengah singen, debei sepenuh hati.

Ien singenlah ji wak kenah bak cerita ko gak gi'ih pasel bebayuh. Tiap a bayuh bei cara lien debei mubat a. Bei wak sampai payun. Ien ko bei peden masa tipo lai bah apak ko. Tapi lian ien ko agei umit angai jadi ko saji liluk gak ji semuah upacara ien. Kalik a kik kenah bak cerita pasel wak ienlah. Ien singen siew keman ko.

Belum

Bei lah sakai tujuh idea gak ko uno bak tulih atau bak cerita ko dagen blog ih pasel adet telo a liko. Anjel keman Bintulu. Ako pun debei rapa pasti sama ada nyin Anjel wak kenelala ko atau pun a kik tapi ako bak tujuh terima kasih lah gak nyin buyak tujuh idea gak bak cerita dagen ih.

Pasel belum ih ko beilah jumit pengalaman tenabih a lakei belum lian ko agei umit sabei. Ih kira wak percaya a dana sabei buyak lian ien lien debei ngak bei agama. A sui ien "pagan" lah.

Gak kapong ko bei jelaweh a lakei ngadan nyin Merikai. Nyin a saji selalu angai benadak a kapong menak belum. Ako debei rapa senged ketan an tan jelawah tenawan ien kenah bak bei karunia bak menak belum ih. Kalik buyak nyin ngak tijuh dagen nupei kah ko pun dei rapa pasti kawak. Biasanya, mun bei pedih a kapong akan selalu mapun a bayuh, ien susui pesiluk gak a bayuh. Mun a bayuh ien ngak peden uno ji wak menak a ien pedih nyin akan menemuk a ien tapi mun nyin perlu bak menak belum tertentu, a ien mesti bak pinyi a tao menak belum. Jadi a lakei gak kapong ko ih hanya lah a menak belum, nyin debei kuasa kik lah kira nyin.

Biasanya belum ninak keman daun nyipak, sei balau (biasa lawei balaulah) atau da'an balau. Setiap penyakit atau wak menak a pedih ien macem2 alu sau ngadan tao jadi biasanya setiap belum ien bei ngadan. Ako dei senged alu agei ngadan belum-belum ih. Nyabik maap lah gak wak ien. Setiap belum ien mun debei ngak tenabih gak a pedih ien nyin debei akan menyigen a. Maksud nyin belum ien hanya ukiran semata-mata. Biasa nyin belum ien tenabih a bayuh atau a menak belum ien atau ahli keluarga a wak pedih ien. Beilah sau wak ubak nyin wak bak madak tao ien kuar keman badan a pedih ien. Biasa nyin a akan menabih bak sepak. Alu sik alu lah ji bieh a wak buyak tabih ien beh ien. Dah ngak ien, belum ien akan kenilut gak lawei kayo gak lisi sungai. Sama ada gak da'an nyipak, bapir, atau mana-mana ji kayo bei gak lisi sungai.

Lian ko agei umit sabei ako pepela mapun sekul. Jadi mun bei belum gak lisi sungai mesti medut bak pepela segak angai gak dawak belum ien. Bei kawak la lo jipo-jipo ko wak lai wak saji nakal angai suka memad atau mupak belum jegum pela. A nyat selalu angai menepad kak mengacau na'ah buyak singen. Dei taolah ko kala saji buyak singen mun mengacau ien.

Mun bak nilak atang-atang belum ih sebenarnya ukiran. Mun telo pilak gak kedai-kedai kraftangan bei ukiran-ukiran ji belum a liko ih ji jenaja. Ajau ih telo kenah pilak ien sebagai satu bentuk seni a Melanau.

Ien singen ji lah wak bak cerita ko pasel belum. Mun bei ji wak salak, ko nyabik ma'ap lah gak adik kakak. Ako pun generasi muda, ako hanya cerita mengikut ji wak penah dilalui ko. Wak penah den ko as a little Melanau girl wak nyat dagen kapong a Melanau.

Cerita Rakyat

Actually i was looking for a word that explaining "ngasu" in English. Ngasu is an Iban word thats explains about hunting using hunter's dog. But then i found one article or i can say it is a folk tales of one natives from Sabah. It is a Murut folk tale. I want to share this story with you guys and here it is:

A TALE FROM THE PADAS RIVER
(Tenom) ( A Murut Folk Tale )
There was once o lonq house in Kampung Tatamuan beside the river Malalap. It was the tradition of the Murut people, that men had to hunt animals for food as a contribution to society.
There was a young hunter among them who went on a hunting trip with other villagers. He had to leave his family and his pregnant wife behind at the long house.

In those days, a hunting trip usually took many weeks, as they had to poach and wait, or very often penetrate far into the jungle.

During their absence, the village folk discovered a python on the bank of the river. They immediately killed it for food. The remains of the skin were used to make big and small drums.
It had been quite a while since the hunting group had left the village and there was still no sign of their return.

Out of boredom, the villagers decided to hold a feast. Feasting was very common amongst them and it was part of their tradition as well. They began to celebrate with meat from this huge python. They had plenty of food to eat and to share.

Usually light entertainment, such as dancing and singing were performed during such a celebration. This was accompanied by playing the drums which were made from the skin of the snake. However, the moment they hit the drums, the cats and dogs began to fight with each other. Even though they tried, but somehow, the villagers could not stop half way during the celebration. They decided to change to the other drums also made from the snake skin.

This time, the sound of the drums caused an evil sort of spell and the villagers started to fight amongst themselves. There was havoc and death and it was a very sad situation. Some of those who were fortunate enough to be alive, escaped the plundering by hiding in the jungle. It so happened that the young hunter's wife also escaped and a short time later gave birth to a child.

Eventually the hunting party returned and they were remorsely disappointed at such misfortune. They decided to go their separate ways and set up families elsewhere. The young hunter took his wife and child and left the village. After a short while, they arrived at a clearing near a river bank. All of a sudden the hunter's dog caught sight of a Tempadau (wild cow) and chased after it, closely followed by the hunter. By now the hunting dog had caught up with the Tempadau which was wading across the river. Suddenly there was a voice from the top of the hill admonishing them to stop their hunt.

The young man, already frustrated with what had happened back at the village, was in no mood for such a warning. He still followed his hunting dog. A bolt of lightning struck, followed by a thun 'en They have unknowingly trespassed onto holy ground and were immediately turned into stones.

Till today the young man is known as the Batu Balingoi. The Tempadau in the middle of the river is called the Batu Masokoh. The wife and child who followed behind are called the Batu Magibah.
This all happened along the Sungai Pagalan and the stones can still be found there in the river at Tenom.

Source : Legends of Sabah,NEXUS Golf Resort Karambunai

*This story reminds me of Melanau folk tales that my mum always tell me when i was a child. Not far from my village there is one mangrove swamp area and a small streams. There is a story of one family (mother and two sons) went into this stream looking for a shrimps. I can't remember it clearly but something bad has happen to this family where at the end they turn into a stone. I remember my mum told me the name of that stream is Sg. Balau. By the way, it has a similarity with this folk tales where the family in the Murut story above also turned into stone.

Hmm..interesting isn't it?

No Idea

I have no idea on what should i write in this blog about my Melanau lifestyle anymore. I am away from home and i am surrounded by different races and cultures now. I only know one person from Dalat and lucky we still can use our mother tounge to communicate. By that way perhaps my Melanau language will not influence by other language.

When i am in other places i have to adapt to this new environment. I eat what people here eat and actually not much difference but i can't eat my favourite food--inut, bulu, umai. I can make umai but i am not really good in making one. The other things is that i don't have friends to enjoy these food with me.

I talk with my work mate about our culture. He is Bisaya from Beufort, Sabah. While we share about our background then i realize there are so many similarities. They plant paddy and sago. They live near rivers and they use nipah for house rooftop. He also paddle (using boat) to go to school. It is only our language is different. His language is more similar to Dusun. If i have time, i will plan a visit to their area and hopefully i can see their lifestyle and share here.

Now i can say that i am a Melanau Girl that exploring other cultures and traditions. Maybe out of the main topic that i want to share in this blog but maybe something interesting too. Why? Because at the same time i can compare the differences and similarities of other traditions and cultures with mine...The Melanau People.

Till then...

Bei lian na'ah ako akan menulih idak aluk pasel a liko cuma ajau ih ako jauk keman kapong jadi semuah wak nilak ko adalah adet liko a. Wak dao nyin ako kenah menak perbandingan antara adet a liko kik jegum adat telo a liko Melanau.

Adat A Liko Dana Wak Neliluk

Ajau ih ako dbei gak Sarawak agei. Ngak gak liko a ih mala singen senged bak keman lo inut, pulem, macem-macem alu tan wak pawah bak nak.

Mun ngak gak liko a ih makin agei dibei rapa idak a liko, ubak liko pun debei tetu bak betul angai sau agei. Bukan senaja bak meliluk tapi mun ngak paut debei kerapak mesti bei kawak wak neliluk jumit. Ienlah ko selalu angai telepon pulik kapong migek ko selalu bak kerapak ubak liko jegum tina tama ko serta janik-janik ko.

Bila ko menyenged pasel adat a liko. Kebetulan ajau gak kedau ko kerja bei staff matai buyak strok. Nyin liko Kadazan. Malem ih malem kejian palei (ien sau sebut telo a liko). Lau kejian palei. Ako beilah tutui lien sebiang Rosari tiap abei stat keman lau nyin tenanem lau ien. Ako cuba menyenged balek an tan adat a liko lian a matai. Bei wak senged ko bei wak debei rapa senged tan. Ienlah mun debei tenulih, "documentation" sui liko putik kalik adat a liko dana akan lenyap.

Harapan ako ienlah supaya bei a luk menak kajian secara mendalam pasel adat a liko ih. Mun bei lo adik kakak a liko wak belajer sosiology atau anthropology, daolah bak menak kajian. Publish your work and share with our young generations. It will help our community to remain our own traditions.

Ako menulih gak gi'ih cuma suka-suka singen tapi dagen masa wak sama ako luk bak menulih mana-mana ji wak senenged ko. Bei masa ako akan menulih idak aluk.

Sago Worms -- Si'et

Ako ngak bei cerita pasal si'et dagen post ko wak siew sabei tapi dibei gaber nak ko dagen ien. So, ako menak posts bao udei pasel si'et buyak ko ngak bei gaber si'et wak igek ko masa ko pulik Krismas taun sabei. Janik ko wak pinyi. Ako gagau angai debei kenah bak pa'ai mapun uma balau kamei. Janik ko pinyi bubo tekilik nyin jegum pinyi si'et alu. 

Si'et ien bak igik janik ko wak labik keman Daled ien. A sawa nyin suka keman si'et kawak. Ienlah kira buah tangan gak a sawa nyinlah ien buyak nyin dei pulik kubo kamei masa Krismas ien. Gagau kalik.

Asau pun suka angai jegum menyi'et..heheehe. Ako pun suka angai menyi'et. Makin agei mun balau wak saji mubo atang ien. Seronok alu tan matuk si'et wak nyat-nyat singen ji apah ien. Pawah tan bak menyi'et walaupun ko dei rapa suka keman si'et...

Build A New House -- Batun Kubo

Work as a team will happen if we still live in a village where people living together as a community. In a small village like where I live, the tradition “gotong-royong” is still in practice. People will help each other in any occasions such as build a new house. However, it seems to be a little bit different nowadays compare to the old times because money did play a major role. But, the people in this village are still work as a team and it inspires me.

End of last year, my parents build a small wood house at Sg. Kut Tengah and people from Sg. Kut Tengah help us to put it up. I am so thankful to the family that let us use their house as a place to prepare food and we stay overnight there. So much gratitude goes to everyone that show up on that day and use their energy to put up that small wooden house.

The spirit of working as a team is the most important things and strengthens the relations in our people community.

Bergendang...A Tradition in Melanau Wedding

The crowd

The dancer and "Mak Gendang"

Preparing tea break

Speed Boat

From Sibu to reach my "kampung", there are two different transport that can be use. Speed boat is one of it and it is faster than the "boat express". However, the fare is more expensive than the "boat express". If using speed boat, it will takes about 1 hour and 45 minutes to reach my village from Sibu and the fare is only RM25. Compare to the other one, it will takes about 3 hours with fare RM15. But the problem with speed boat is, there is only one speed boat available that reach my village. If you missed the speed boat then you have no choice, you have to use the "boat express".

The photo was taken at Sg. Kut Muara not at my kampung. This speed boat was going to Dalat Bazaar. I have the opportunity to take a photo of it so i just take a shot.

Catching Cat Fish (Mengenah Tekilik)

One way of our people looking for food is setting some kind of fish traps that made from bamboo. Usually we set them up during the raining season (mostly end of the year) to catch cat fish.

The water is too shallow if there is no rain. All of the fish traps is hand made and made by my mum and my sis themselves.

The traps left overnight before check the traps on the next day. If there is rain that night, the traps will full of fishes. But sometimes we are not lucky because of other animals like snakes or civets or an owl that disturbed the traps.

Some of the harvests from the traps.

Eating "Linut" During Christmas

This year i have a chance to photographed our family traditions where we will having our Christmas eve dinner and for sure we will have "linut" as our main menu.

The food was served with "ulam-ulaman" and it taste great.

Can see the little legs around and they can't wait to "attack" the food.